Paco Nogueiras acende a súa "Radio Bulebule" en Vigo

A Sala Ártika acolle esta fin de semana, en tres funcións distintas, o concerto do libro cd-dvd de Paco Nogueiras, "Radio Bulebule", unha publicación editada por Kalandraka con ilustracións de David Pintor e videoclips dirixidos por José Miguel Sagüillo. O espectáculo terá lugar este sábado -18:00 horas- e o domingo -12:00 e 18:00 horas-. O prezo das entradas é

As cancións dispóñense ao xeito da grella de programación dunha peculiar emisora na que non faltan sintonía de entrada, axenda cultural, magazine de variedades, faladoiro, noticias, información deportiva e ata previsión meteorolóxica. Intercalados entre os doce temas tamén están presentes as transicións, os indicativos, os sinais horarios e outros elementos sonoros propios do medio radiofónico, co que o Paco Nogueiras destaca o papel da comunicación como canle de expresión e coñecemento, intercambio de opinións, nexo entre culturas e exemplo de avance tecnolóxico.

Másnoticias

Sigue en directo el encendido de la Navidad de Vigo con todos los detalles y novedades de 2025

15/11/2025

Cortes de tráfico este domingo en Vigo por la "La 21 Media Maratón"

15/11/2025

Os ritmos modernos, pegadizos e bailables caracterizan estas composicións, seguindo o estilo de “Brinca vai!”. Co que fora o seu primeiro traballo discográfico propio, Paco Nogueiras recibiu o Premio Martín Códax da Música 2016 na categoría infantil e durante os últimos anos percorreu numerosos escenarios, festivais, escolas e bibliotecas de toda Galicia.

Tanto nas ilustracións de David Pintor para o libro impreso como na posta en escena dos espectáculos, Paco Nogueiras consolida a inconfundible fisonomía do seu personaxe, cos seus lentes, a vestimenta azul e o inseparable chapeu; elementos que tamén están presentes na estética dos videoclips das cancións, artellados ao xeito dunha curtametraxe.

“Radio Bulebule” contou coa colaboración do músico e comunicador Xurxo Souto e da asociación Ponte… nas ondas!, que asinan -respectivamente- o limiar e o colofón da obra. Ademais, participan unha ducia de xornalistas -Ainhoa Apestegui, Emilio Españadero, Xabier Fortes, Pablo Lago, Susana Pedreira, Xosé Manuel Pereiro, María Xosé Rodríguez, Ana Romaní, Henrique Sanfiz, Tino Santiago, María Solar e Fernanda Tabarés- achegando impresións e anécdotas profesionais.