Rubicundo, teatro para os máis pequenos en Tui

O público infantil é o destinatario do segundo espectáculo da programación de Outono que este xoves chega ao Teatro Municipal de Tui. A cita será ás 20:00 horas coa compañía Ghazafelhos e a obra "Rubicundo". Pepablo Patiño é o autor e director desta obra teatral destinada aos nenos e nenas a partir de 3 anos que el mesmo interpreta xunto a Montse Piñón e Jorge Casas.

Esta obra achéganos unha adaptación do conto "Rubicundo" de María Canosa, que foi finalista do Premio Merlín de literatura infantil en 2014. Ao longo de 60 minutos coñecemos a Erea, unha nena curiosa e soñadora, que é a única que repara cada noite en Rubicundo, que cada día sae en bicicleta co seu gabán e o seu sombreiro. Trátase dunha historia máxica de amizade, constancia e poesía, chea de sorpresas.

Másnoticias

Vuelve el festival que hará viajar en el tiempo a Tomiño con música de los 80 y de los 90

22/08/2025

Arranca el Rocha Folk en Tui con conciertos, talleres, desfiles y una comida campestre

22/08/2025

As entradas están á venda na web de "Cultura Tui" até o xoves ás 12:00 horas. Por problemas técnicos só é posible realizar a operación co navegador Firefox. O xoves poderanse adquirir no despacho de billetes dende ás 18:30 horas ao prezo de 4 e 3 euros con desconto.