A Sala Ártika acolle o Festival Pequeártiko de Nadal

A Sala Ártika acolle a terceira edición do Festival Pequeártiko de Nadal que comezou o martes 26 de decembro e remata o vindeiro venres 29 do mesmo mes.

O programa é sinxelo. As catro representacións que compoñen o cartel serán sempre ás 18:00 horas e as entradas están dispoñibles na plataforma de venta online de Ticketea por un prezo que vai dende 5 euros mentres que en taquilla a localidad ten un custo de 6 euros.

Másnoticias

Proponen que se recupere en Vigo la gran Fiesta de Fin de Año que se celebraba en As Travesas

15/11/2025

Caballero alerta que declarar la Alameda como BIC "dificultaría la vida social y económica" de la zona

15/11/2025

Coñece as obras do Festival Pequeártiko de Nadal

Estrafalaria

Espectáculo que combina a narración oral coa manipulación de obxectos onde o público participa activamente do relato. As personaxes que interveñen na historia caracterízanse pola súa peculiaridade e levan a diferenza como bandeira.

Os contos da mesa de noite

Os contos dá mesa de noite é un proxecto de narración oral e monicreques. Este fermoso proxecto de microarte comezou cando a narradora e actriz Bea Campos atopou dúas mesas de noite tiradas no lixo. O artista plástico Miguel Sagüillo axudoulle a facer da súa idea unha realidade, pintounas e, con moito agarimo e paciencia, descubriu que nelas estaba escondido un teatro con música, luz e monicreques.

As obras que xa se representaron no festival
O Contador de Contos

Sara está agardando por Toribio para amosarlle o seu último invento: a máquina do contador de contos con efecto retardado. Con este aparato os contos que conten serán escoitados en todo o mundo. Máis un virus producido polo malvado profesor Smith fai que a máquina se estropee. A partir de aquí, os nosos protagonistas terán que atopar a maneira de poder arranxar a máquina.

O mundo de Carliños

Carliños soña con ser escritor e xunto con Luis Vallecillo compartirá con todas e todos as historias que nacen do seu maxín. Personaxes como unha galiña azul ou as laranxas máis laranxas de tódalas laranxas xa bulían pola cabeza de Carlos Casares cando tan só era un rapaz e neste concerto cantarémolas e bailarémolascoma nunca antes se fixera.