Teatro infantil para desmontar os estereotipos de xénero en Tomiño
O Concello de Tomiño continúa coa súa programación de primavera, nesta ocasión centrada na loita pola igualdade. A compañía Talía Teatro chega a esta fin de semana á vila cun espectáculo que pretende darlle a volta aos roles e estereotipos de xénero. Será coa representación de ‘Rosa Caramelo e outras historias’, unha obra dirixida pola autora teatral e actriz Paula Carballeira que a través da palabra e da música en directo tratará de crear unha atmosfera axeitada para axudar a nenos e nenas a desmontar unha serie de “ideas impostas e fortemente asumidas sobre as actitudes e aptitudes de mulleres e homes”.
A representación, recomendada para cativos e cativas de 4 a 8 anos, terá lugar o vindeiro domingo 18 de marzo na Casa da Cultura de Tomiño a partir das 18.00 horas. O prezo da entrada será de 3 euros para público adulto e de balde para nenos e nenas. Todas as persoas interesadas poderán adquirir a súa entrada no despacho de billetes dende unha hora antes do inicio da obra.
Talía Teatro recolle nesta ocasión catro coñecidos relatos da escritora italiana Adela Turín, unha referencia internacional para a educación en igualdade, para construír un espectáculo no que os roles de xénero deixan de existir. O actor Artur Trillo, acompañado en escena polo acordeonista Fernando Fraga, recreará os mundos de ‘Rosa Caramelo’, ‘A historia dos bonobos con lentes’, ‘Unha feliz catástrofe’ e ‘Atur e Clementina’, contos nos que elefantes, chimpancés, tartarugas e ratos serán os protagonistas.
A obra forma parte da Programación de Primavera do Concello de Tomiño e enmarcase na serie de actividades organizadas ao longo de marzo como Mes da Muller, no que todas as accións programadas teñen un claro protagonismo feminino e de loita pola igualdade.
Agenda
Más noticias
Cantajuego llega al área de Vigo para ofrecer este espectáculo gratuito en las fiestas de O Porriño
Cantajuego ofrecerá el 28 de septiembre en las fiestas de O Porriño su espectáculo "Las aventuras de Coco y Pepe" de forma gratuita
Luli Pampín, la reina de los espectáculos infantiles, llega a Vigo y ya va camino de agotar las entradas
La artista argentina que triunfa entre los más pequeños llegará al Auditorio Mar de Vigo con su nuevo show, para el que quedan pocas entradas
Nigrán ofrece la diversión máxima con un megatobogán acuático gratuito en A Ramallosa
El Concello de Nigrán instalará este sábado un gran tobogán acuático en A Ramallosa para desatar la diversión del público infantil y juvenil
La Gladiator Race gratuita que se celebra en la Fortaleza de Goián: se buscan a 400 guerreros
Un área con el encanto del Espazo Fortaleza de Goián acogerá el próximo 5 de julio la Gladiator Race Junior, cita totalmente gratuita
Un estudo internacional evidencia a intensificación dos excesos de auga doce oceánica cara os continentes
Debido ao cambio climático agárdase que cada vez sexan máis frecuentes e de maior impacto
Somos metropolitanos. Somos el digital de referencia en Vigo y su área metropolitana. No te pierdas nada. Todas las noticias de Vigo y su área: cultura, planes, deporte...
Toda la actualidad de Vigo y su área, gratis en tu WhatsApp
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal