Os amantes da natureza e da cultura teñen unha oportunidade única para desfrutar do Monte Aloia, una “xoia única”, en palabras do alcalde de Tui, Enrique Cabaleiro.

A Deputación de Pontevedra e a Asociación de Escritoras e Escritores en Lingua Galega organizan este sábado, 16 de setembro, un Roteiro Literario a través do Parque Natural.

Másnoticias

Ventosela, en Redondela, celebra este sábado o seu magosto popular

Tomiño disfrutará de un gran magosto popular con castañas y vino nuevo gratis

17/10/2025

El espectacular vídeo aéreo que promociona el puente internacional de Tui

Transportes avanza en el 'AVE' Vigo-Oporto y contrata el estudio del trazado de O Porriño a Valença

14/10/2025

Con saída ás ás 11.30h dende o aparcamento do Parque Natural do Monte Aloia, preto das antenas, a camiñada discorrerá pola capela de San Xián e o seu espazo adxacente, para baixar na procura da muralla, e visitar dous miradoiros, o do enxeñeiro Areses e o do castelo.

Tamén inclúe a Cruz do Aloia, que ofrece unha impresionante panorámica sobre o Baixo Miño e a fronteira portuguesa e, finalmente, a cama de San Xián, para terminar no mesmo punto que o do comezo.

Este tipo de rutas promovidas pola administración provincial teñen por obxectivo “ofrecer unha dobre visión, literaria e paisaxística, dos lugares nos que se desenvolven, tendo especial importancia no caso do Monte Aloia as lendas e a sabedoría popular”, nas verbas do deputado de Cultura e Normalización Lingüística, Xosé Leal.

Canto custa e como anotarse?

Os roteiros son de balde, pero cómpre realizar unha inscrición previa. Os interesados en participar na proposta deste sábado deben contactar co Concello de Tui no 986 60 36 25. Hai dispoñible un total de 50 prazas, da que 44 estaban xa ocupadas pouco despois de presentar oficialmente o roteiro. Crearase amais unha lista de agarda de cubrirse todas a prazas, por se se produciran baixas.