As pedras cobran vida nun Castelo de Soutomaior á vangarda museística

O Castelo de Soutomaior é unha auténtica xoia coa musealización levada a cabo pola Deputación de Pontevedra, unha actuación que introducirá aos visitantes cara outra época e que permitirá coñecer a personaxes tan apaixoantes da nosa historia como Pedro Madruga ou María Vinyals.

A musealización do Castelo de Soutomaior, que será inaugurada o 11 de maio cun "evento no que haberá sorpresas moi relevantes" tal e como anunciou Carmela Silva, vai permitir "coñecer o noso territorio e a nosa historia, porque nas pedras deste castelo está escrita a historia de Galicia e, desde o 13 de maio, poderémola ver grazas ao proxecto de musealización que impulsamos". Deste xeito, amais de paneis ilustrativos e informativos, a actuación aposta polas "tecnoloxías máis avanzadas, con caixas máxicas, vídeos divertidos e amenos e un mapping sorprendente" asegurou. A presidenta da Deputación anunciou xornadas de portas abertas para desfrutar durante este mes da actuación realizada e amosouse emocionada polo resultado e por "sacar ao castelo dun uso partidario para convertelo no símbolo do turismo na provincia".

Másnoticias

La primera gran área de autocaravanas de Vigo, en el limbo ante la Administración

31/08/2025

Vuelve la normalidad a los Trenes Turísticos de Galicia, que regresan a la Ribeira Sacra y a Valdeorras

30/08/2025

O novo goberno da Deputación de Pontevedra vén de acometer un paso decisivo no seu proxecto de apertura do Castelo de Soutomaior, no que ata agora xa investiron máis de 2 millóns de euros, que chegarán a catro millóns cando remate a lexislatura. "Antes tiñamos unha xoia escondida nun xoieiro e agora puxémola á vista para que toda a cidadanía poida gozar dela", asegurou a presidenta da institución en referencia á reformulación do recinto histórico impulsada polo goberno provincial. Neste eido, desde o ano 2015 impulsouse un Plan de Usos para o Castelo que determinou a orientación do Ben de Interese Cultural cara ao turismo familiar. Deste xeito, realizáronse actuacións nos exteriores do Castelo de Soutomaior que veñen de completarse coa musealización do recinto.

Poderíache interesar: Os escenarios de Game of Thrones na nosa provincia que puideron ser (e non foron)

Cando se poderá visitar?

A nova musealización do Castelo de Soutomaior estará aberta ao público dende o 13 de maio.  Esta mañá, a presidenta da Deputación, Carmela Silva, anuncio ademais que coa saída á venda das entradas haberá descontos e incluso acceso gratuito para diferentes colectivos sociais. Así mesmo, a presidenta provincial anunciou diversas "xornadas de portas abertas" durante este mes.