Cesantes celebra o seu primeiro rastrexo o próximo mes de xuño

Os montes de Cesantes e O Viso acollerán o vindeiro 1 de xuño o I Rastrexo de Cesantes, que busca recadar fondos para a celebración do X Festival Folk Illa de san Simón.

A cita, que arrancará ás 21:30 horas, consistirá nun percorrido polo monte con diversas probas de habilidade e enxeño que os equipos participantes deberán superar para acadar o maior número de puntos posibles.

Másnoticias

Redondela se entrega al choco y se cita con "la repunante" Virtudes de Galiñanes y El Combo

10/05/2025

El "oro negro" de la Ría ya se degusta en la Festa do Choco de Redondela, estos son todos los precios

09/05/2025

Os equipos teñen que estar formados por entre 6 e 12 membros e a cuota de participación por persoa é de 5€. Pódese participar a partir dos 12 anos, aínda que os menores deberán ir sempre acompañados dalgún adulto e terán que presentar unha autorización firmada pola nai, pai ou titor legal. Para inscribirse é preciso enviar un correo electrónico co nome do equipo e o número de participantes ao enderezo airinhosdesansimon@outlook.es, ao que a Organización responderá coas instruccións para realizar o pago.

O I Rastrexo de Cesantes consistirá nunha ruta circular de aproximadamente 11 quilómetros e dificultade media, con saída e chegada na sede do CCD Cesantes (Estrada Alto dos Tras, número 5). Dende a organización animan a participar nesta cita coa finalidade de pasar un bo rato cos amigos e en contacto coa natureza. Aseguran que todas as persoas que poidan camiñar 11 quilómetros e teñan ganas de divertirse son máis que aptas para formar parte dun dos equipos. Precisamente para manter a igualdade de posibilidades entre todos os participantes a puntuación final será a suma dos puntos acadados en cada proba e o tempo empregado para completar o percorrido só se terá en conta en caso de empate entre dous equipos.

Ao final da ruta todos os participantes recibirán no CCD Cesantes un bocadillo e unha botella de auga. As instalacións non contan con vestiarios e duchas, pero si con baños a disposición dos equipos.

Os responsables destacan que unha das características principais da actividade é o contacto respetuoso coa natureza, e por este motivo penalizarán a aqueles equipos que non mateñan unha conducta adecuada neste sentido.

O evento é, xunto coas actividades da noite de San Xoán, unha das iniciativas do grupo de baile e gaitas Airiños de San Simón a favor do Festival Folk Illa de San Simón. O FFISS celebrará o 20 de xullo o seu décimo aniversario recuperando o seu escenario orixinal na praia de Cesantes.