A Deputación oferta 300 prazas gratuitas para descubrir as marismas de Catoira

A Deputación de Pontevedra vén de abrir este luns 29 de xullo o prazo de inscrición para a segunda das sete DepoAndainas programadas na nova edición desta iniciativa, que ten por obxectivo fomentar hábitos de vida saudable e promover o turismo.

Esta segunda ruta terá lugar o día 11 de agosto e consistirá nun paseo fluvial polas marismas de Catoira, no que as persoas participantes poderán coñecer lugares de interese como as torres do Oeste e a paisaxe da zona, formada por bosques espesos, marismas e praias fluviais, onde os muíños de vento resultan habituais.

Másnoticias

Caballero critica la escasa inversión de la Diputación en la ciudad y la falta de peso de Vigo en la institución

16/09/2025

La Diputación de Pontevedra avanza una inversión histórica de 128 millones en los concellos

15/09/2025

No itinerario, só de mañá, as persoas inscritas poderán trasladarse á Catoira en autobús (as saídas serán desde a praza de Galicia de Pontevedra e a praza de España de Vigo), e terán un tempo de descanso despois da ruta para que podan afondar nos recursos turísticos da zona. Neste mesmo eido, durante a andaina, tamén se lles achegará información relativa a aspectos do patrimonio cultural e histórico.

Como no resto das DepoAndainas, ofértanse 300 prazas, dirixidas a persoas de toda a provincia, independentemente da súa idade. Ademais, o Concello de Catoira poderá ofertar outras 50 prazas adicionais.

Como anotarse?

As persoas interesadas en participar neste percorrido deberán cumprimentar o impreso de solicitude na páxina web da Deputación, con data límite do vindeiro 7 de agosto.

Hai que lembrar que aínda está aberto tamén (finaliza o mércores, día 31 de xullo) o prazo de inscrición para a primeira das DepoAndainas, a ruta pola Fervenza do Toxa no Concello de Silleda, que se celebrará o 4 de agosto.