O inverno volverá a ser momento de saír aos camiños de Moaña para coñecer a historia do municipio morrancese. A concellería de Turismo e Promoción Económica, que dirixe Coral Ríos, volve apostar polas visitas guiadas de balde neste 2020 cun programa que chegará en catro episodios: inverno, primavera, verán e outono.
O programa, que se celebrou por vez primeira o pasado ano, repite despois da boa acollida de asistentes que acudiron a algunha das saídas programadas. “Pechamos o 2019 con máis dun millar de persoas e unha media de 32 persoas por ruta”, explica a concelleira delegada, Coral Ríos, quen aclara que para o tramo de inverno “búscase apostar polas rutas máis consolidadas”, polo que se repetirá as que mellor funcionaron no pasado ano para deixar as novidades para primavera e verán.
Ríos explica que se trata dunha “inversión magnífica que nos permite aos veciños e veciñas coñecermos a nosa historia á vez que anima a xente de fóra de Moaña a visitarnos e pasar o día”. Os roteiros, que se fai con guía da man da Asociación A Illa dos Ratos, acostuman ter unha duración contida e permiten descubrir os encantos do municipio a través dunha oferta de turismo activo cada vez máis popular. “Temos rexistrado participantes que se achegaron dende Santiago e quedaron durante a fin de semana”, asegura a concelleira de Turismo.
As rutas de Descubre Moaña en inverno prolongaranse durante os meses de febreiro e marzo e versarán sobre a parroquia de San Martiño, a Moaña mariñeira, as canteiras do litoral, as mulleres da Historia de Moaña e o sendeiro da Fraga. Todas serán de balde e arrancarán as 11:00 horas -a excepción da do Sendeiro da Fraga que, polas súas características de maior lonxitude comezará ás 10:30 horas-. Para poder asistir é necesario inscribirse previamente a través de WhatsApp 611 080 853 ou no correo electrónico ailladosratos@gmail.com
A visita apenas nos obrigará a camiñar, xa que soamente percorreremos a contorna da igrexa. Os asistentes descubrirán a historia das casas e como apareceron aí e outros elementos propios dun dos barrios senlleiros do municipio.
Celébrase os sábados 1 e 22 de febreiro e o domingo 22 de marzo.
Ao longo deste percorrido polo litoral entre o Porto de Moaña e o Porto de Meira os asistentes coñecerán detalles dos inicios da pesca tradicional, a historia do Pósito de Moaña e a figura do seu impulsor ou algúns dos naufraxios máis importantes que afectaron ás familias de Moaña.
Celébrase o sábado 8 de febreiro e o domingo 1 de marzo.
Ao longo do percorrido os asistentes descubrirán a historia que agochan as antigas canteiras do litoral de Moaña e que foron a orixe do crecemento económico e social da vila. Co paso do tempo e o desmantelamento das canteiras, eses novos espazos serviron de ubicación para novas actividades empresariais relacionadas co mar, como no caso do estaleiro ASCON ou de Conservas A Guía.
Celébrase o sábado 15 de febreiro
Neste roteiro ponse en valor o papel da muller dentro do desenvolvemento da sociedade e a vila de Moaña. Historias que paga a pena coñecer sobre figuras importantes con nome propio como Lela Soage, Elisa de la Peña, Lola Diz ou Concepción Arenal, fortemente vencellada ao municipio, que se mesturarán con alusións a colectivos máis anónimos como as peixeiras, as mariscadoras ou as carreiras.
Celébrase o sábado 7 de marzo
Este percorrido de catro quilómetros, que arranca na desembocadura do río no areal da Xunqueira, continuará para dar a coñecer a importancia dos ríos, do seu ecosistema e do uso dos muíños. De feito, este sendeiro conta con até unha trintena de muíños que noutra época eran de vital importancia na agricultura do Morrazo.
Celébrase o domingo 15 de marzo.
La N2, conocida como la Ruta 66 portuguesa, permite descubrir el país desde el norte del país hasta el sur. Así son sus sorprendentes 739 kilómetros
Ya se puede coger plaza para disfrutar de las primeras termas al aire libre del norte de Portugal. Descubre aquí el precio y las horas para darse un baño
El banco de la buena suerte se encuentra en la parroquia de Liripio y es un símbolo de protesta contra los parques eólicos
Bombazo para el verano en Galicia, ya hay fecha para este súper parque acuático. Se prevé que abra con nuevas atracciones
La investigación fue publicada en la revista 'Diversity' y está elaborada por paleontólogos de la UVigo y la Fundación Dinópolis
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL