Ti e outras 207 persoas poderedes descubrir as Illas Atlánticas en cinco rutas guiadas máxicas

A Consellería de Medio Ambiente e Ordenación do Territorio organiza este inverno un total de cinco itinerarios guiados ao Parque Nacional Marítimo Terrestre Illas Atlánticas de Galicia. Baixo o lema Descubrindo o Parque Nacional, estas visitas, de carácter gratuíto e dirixidas por guías profesionais do parque, pretenden dar a coñecer o patrimonio natural e ambiental do arquipélago fóra da tempada estival.

Entre o 18 de febreiro e o 26 de marzo os participantes poderán abraiarse co “segredo dun bosque no mar”, “a illa de esculturas e lendas”, “a illa dos nomes” ou “una viaxe no tempo”.

Másnoticias

Nace un nuevo festival gratuito en Galicia que se celebrará junto a un mítico parque acuático

17/05/2025

La Xunta denuncia que Renfe "no cumple con Galicia" y la culpa de "caos ferroviario"

16/05/2025

As Illas Atlánticas, outra ollada durante o inverno

Con este programa de rutas guiadas os participantes poderán coñecer o Parque Nacional das Illas Atlánticas dende outra perspectiva, afastados das altas temperaturas e o verán para achegarse a súa historia e lendas.

1. Illa de Cortegada: ruta botánica-histórica

A visita guiada a Cortegada, denominada “O segredo dun bosque no mar”, percorrerá a aldea abandonada, a ermida e os seus bosques. Unhas árbores que debuxan unha paisaxe única rodeadas de auga.

Datas: 11 de febreiro, 11 de marzo, 8, 12 e 22 de abril

2. Illa de Sálvora: ruta xeolóxico-histórica

Sálvora “Illa de lendas e esculturas” é unha ruta xeológica-histórica na que se visitará a aldea abandonada e a contorna do faro. As pedras irán desvelando a súa propia orixe, a historia dos seus habitantes, as lendas... A lonxitude da ruta é de 5 quilómetros cunha duración aproximada de 2 horas 30 minutos.

Datas: 25 de febreiro, 18 de marzo, 14 e 29 de abril

3. Illa de Ons: ruta toponímica

“Ons: unha illa de nomes” percorre a illa pola súa metade sur pasando por sitios con nomes curiosos que nos irán desvelando segredos da illa e o seu mar. Trátase dun percorrido circulas de 6,2 quilómetros.

Data: 18 de febreiro

4. Illas Cíes: ruta histórica

A visita ás Illas Cíes busca facernos “viaxar no tempo” nunha ruta histórica na que se poderá descubrir a historia dos poboadores das illas, dende os máis antigos até os más recentes. A lonxitude da ruta é de 2,5 quilómetros de carácter lineal.

Data: 4 de marzo

Ademais, para as familias e a rapazada, organizarse outra saída ás illas de Vigo titulada “Cíes: peza a peza”. Trátase dunha visita con dinámica e percorrido adaptado para nenos e nenas de entre 5 e 12 anos no que descubrir as paisaxes, animais e plantas que viven nas Cíes.

Data: 26 de marzo

Como anotarse?

Durante a campaña, que arrancará o 18 de febreiro en Ons e se estenderá ata o próximo 29 de abril, ofreceranse un total de 208 prazas para visitar o parque.

Os interesados en participar nalgunha das visitas poden reservar praza a través da web reservasparquesnacionales ou facelo de forma presencial nas oficinas do parque nacional en Vigo (rúa Oliva, nº 3) ou no centro de visitantes (rúa Palma, nº 4).

O prazo para inscribirse seguirá aberto ata catro días antes da visita e para cada ruta abrirase unha lista de agarda coa que cubrir eventuais baixas.

Podo participar en máis dunha ruta?

Non, cada persoa poderá participar soamente nunha das rutas ofrecidas nesta convocatoria. No caso de detectarse dous ou máis solicitudes dunha mesma persoa, o Parque Nacional das Illas Atlánticas requirirá ao titular a súa subsanación, e no caso de que non se solucione, procederá a anular todas as súas solicitudes e negará a inscrición noutras rutas nesta e na seguinte convocatoria de rutas.

Cal é o prezo das rutas?

Todas as actividades guiadas ás illas son de balde, aínda que os participantes deberán asumir o custo do seu transporte. No caso de Cíes e Ons, poderán acceder a través da liña regular que as distintas navieiras autorizadas ofrecen con saída desde distintos portos, ou ben achegarse en embarcacións privadas autorizadas. Para acceder a Sálvora e Cortegada, onde por razóns de conservación non hai transporte regular diario, o propio parque organiza un transporte especial pero o custo do billete deberá asumilo igualmente o interesado.

Haberá máis prazas no futuro?

Este tipo de ruta organízanse anualmente, aínda que como novidade, en 2018 está previsto organizar unha segunda quenda de visitas con guía a partir do mes de maio.