Sábado de visitas guiadas ao Monte Trega, berce castrexo da provincia

Co gaio do Día Internacional dos Museos, a Concellería de Turismo do Concello da Guarda organiza unha xornada de visitas guiadas gratuítas polo Monte Santa Trega. As actividades levaranse a cabo durante a mañá e a tarde do sábado 19 de maio con tres formatos, dependendo da súa duración e percorrido.

Así, aquelas persoas que desexen participar nunha visita guiada completa polo monte, poderán participar na saía que partirá ás 17:00 horas do castro. Dende alí, as e os participantes percorreran primeiro o poboado, para máis tarde subir á cima do monte e visitar a ermida de Santa Trega e o MASAT.

Másnoticias

La Deputación destaca las actuaciones clave en estos 15 concellos del sur de la provincia de Pontevedra

20/11/2024

Tomiño busca los mejores árboles de Navidad, que decorarán una plaza

17/11/2024

Ás 11:00 e ás 16:00 horas comezarán as visitas de 30 minutos de duración centradas no castro, cunha explicación do xacemento arqueolóxico. Completando a programación, ofertarase unha visita guiada especial polo barrio de Mergelina, no que recentemente se comezaron os traballos de restauración e consolidación. Este percorrido comezará ás 12:00 horas dende a Casa Forestal e estará guiado polo arqueólogo Rafael Rodríguez, director dos traballos que se están a desenvolver neste sector do poboado.

As persoas interesadas en participar deberán presentarse á hora de saída no punto de encontro indicado. Malia que as visitas son gratuítas, compre ter en conta que a taxa de acceso ao Monte Santa Trega é de 1€ para as persoas adultas e de 0,50€ para os e as menores de 14 anos.

Pódeche interesar: Oito "sendeiros azuis" da área de Vigo que debes coñecer