Noite de herexes e Inquisición en Tui co gallo de Samaín

Nunhas datas marcadas polo festexo do Samaín e dos defuntos, o Concello de Tui modifica as súas habituais visitas guiadas gratuítas con dous roteiros específicos para a noite do luns, 30 de outubro, e do martes, día 31.

Deste xeito, tudenses e visitantes poderán coñecer un pouco máis o patrimonio e a historia da cidade ligada á Inquisición coas dúas visitas guiadas temáticas programadas para estas dúas xornadas. Sairán os dous días ás 20.15h da praza da Inmaculada sendo guiadas polo historiador tudense Suso Vila. O percorrido, gratuíto, durará aproximadamente unha hora.

Másnoticias

El PP de Tui denuncia "irregularidades" en un contrato de conservación del antiguo Teatro Principal

19/11/2025

El mágico bosque de sobreiras centenarias a un paso de Vigo descubre sus leyendas con esta visita guiada

19/11/2025

Luns, noite dos herexes

O luns 30 ás 20.15h sairá a visita guiada aos Sambenitos Inquisitoriais. Estas pezas, únicas en Europa, atópanse no Museo Diocesano e esta será unha das poucas ocasión en que se poden visitar debido as obras que se están acometendo. Estes lenzos, que foron atopados na Catedral, sinalaban aos herexes reconciliados polo Santo Oficio, quedando marcados durante xeracións. Forman parte da riqueza da historia social de Tui e dun patrimonio cultural extraordinario.

A represión nas cárceres

O martes 31 de outubro ás 20.15 h celebrarase a Visita Cárceres e Inquisición en Tui. A cidade histórica de Tui conserva elementos patrimoniais que a vinculan a diferentes momentos da historia. A arquitectura carceraria representada por edificios coma o Cárcere Vello, o cárcere capitular ou o cárcere eclesiástico son só pequenos exemplos das diferentes funcións que se desenvolvían na cidade e que formaban parte da súa paisaxe.

A Inquisición tamén será un elemento a ter en conta dende os inquisidores que procedían de Tui, aos comisarios ou os familiares do Santo Oficio, eles formaban parte dunha rede que procuraba eliminar calquera rastro de disidencia relixiosa. A igrexa de San Domingos formaría parte desta paisaxe represora ao ser o lugar de reunión da confraría dos familiares da Inquisición en Tui.