A arte latexa no centro de Vigo

Afundación presentou o pasado martes a súa nova proposta expositiva en torno á colección de arte "Latexos na Colección de Arte Afundación", unha nova ollada sobre unha das coleccións de arte privadas máis importantes de Galicia e declarada Ben de Interese Cultural pola Xunta de Galicia.

A exposición abrirase ao público o vindeiro xoves 29 de novembro ás 17:30 horas e o seu horario habitual de apertura será de xoves a sábado de 17:30 a 20:30 horas.

Másnoticias

El fuerte viento de la borrasca Caetano derriba más elementos de la Navidad de Vigo

21/11/2024

Reclaman al Gobierno que dé prioridad a la conexión de AVE entre Vigo y Oporto

El PP lamenta la "falta de compromiso" del PSOE de Vigo con la alta velocidad a Portugal

21/11/2024

Nesta nova revisión da Colección de Arte Afundación ofrécese unha ollada poliédrica sobre a súa diversidade, percorrendo as numerosas lecturas que permite unha colección desta riqueza e pluralidade. A exposición bascula entre un punto de vista vencellado á historia da arte, desde o que se amosan técnicas artísticas, diferentes estilos ou a conexión coa historia; e un punto de vista temático con que podemos percorrer Galicia ou viaxar polo mundo, ademais de descubrir as reflexións que agochan as obras contemporáneas máis aparentemente lúdicas, ao tempo que se destaca o papel da muller como representada e como artista.

A mostra conta cun completo programa didáctico dirixido a escolares de todas as etapas educativas, desde infantil ata bacharelato e ciclos formativos, e no que están xa apuntadas máis de 2.500 nenas e nenos. Para reservar unha visita, cómpre contactar a través do teléfono 986 12 90 32 ou ben a través do correo electrónico [email protected].

A rolda de prensa desenvolveuse no Espazo Colección da Sede Afundación de Vigo e contou coa presenza de Gloria Rodríguez, coordinadora de Comunicación de Afundación, e de Mercedes Rozas, asesora da mostra e escritora dos textos que a contextualizan.