A Clásica de Vigo presenta este xoves no Auditorio Municipal "Ventos do Clasicismo"

A Clásica inicia a tempada de outono – inverno este xoves 28 de setembro, ás 20:00 horas, no Auditorio Municipal de Vigo co concerto ‘Ventos do Clasicismo’. Coa temporada de ‘Son propio’, a orquestra quere poñer o foco no clasicismo cunha ollada ampla para construír presente. Así, pretende dar unha volta ás súas ideas esenciais, reflexionando sobre as distintas correntes e autores con obras que exceden os seus límites e chegan aos nosos días.

Neste primeiro concerto, a Clásica mostrará a diversidade e riqueza sonora da sección de vento cun programa que partirá da obra de Haydn, con arranxos propios, para chegar ao Beethoven que sentará as bases para a música de vento que coñecemos hoxe. A través da súa ollada, ofrecerá a escoita dos románticos Schubert e Strauss.

Másnoticias

Vigo avanza un proyecto de 30.000 metros cuadrados con zonas comerciales y residenciales en Teis

05/09/2025

Vigo y su área se llenan de planazos para poner buen sabor de boca al primer finde de septiembre

05/09/2025

Venda de entradas

As entradas para o concerto ‘Ventos do Clasicismo’ están á venda na web de Ataquilla a 10 euros e a cinco euros para menores de 16 anos. As entradas na billeteira xusto antes do evento tamén custarán cinco euros para menores de 30 anos.

Programa do concerto

• Rondino en mi bemol maior, WoO. 25, de L. V. Beethoven
• Serenade en mi bemol maior, op. 7, de R. Strauss
• Sinfonía n.o 91 en mi bemol maior, de F. J. Haydn
• I.Largo – Allegro assai
• II.Andante
• III.Menuet – Trio
• IV.Finale: Vivace
• Tres minuetos para ventos D. 2d, de F. P. Schubert