Potenciar o sector do comercio local e amosar a súa fortaleza e beneficio para a veciñanza fronte as multinacionais do comercio electrónico. Este é un dos maiores retos cos que o sector comercial do Morrazo encara a oitava edición de Amodiña, que este ano se celebrará o 11 de maio.
Esta pasarela de moda única na provincia, que amosa un potente músculo ao congregar cada ano a unhas 3.000 persoas, volve ao Paseo Marítimo de Moaña para amosar as tendencias e apostas do sector comercial do Morrazo. “Un dos eventos máis importantes do concello que, ademais, nos sitúa nun mapa diferente”, asegurou esta tarde a alcaldesa de Moaña, Leticia Santos.
O desfile conta coa participación de 35 negocios, que van dende a moda á perruquería, pasando polas ópticas ou incluso a repostería, para, ante todo, referendar que o sector comercial unido é quen de superar os retos aos que se enfronta. O éxito está, en opinión da presidenta de Acimo, María Dolores Carabelos, en lograr a “implicación total das tendas e dos veciños”. Valoración que comparten dende a federación do Morrazo, na voz do seu xerente, Rodrigo Pastoriza. “Tras oito edición os comerciantes continúan participando, ano tras ano, e iso é por algo”, aseguran.
Desta vez, a cita contará con gran presenza dos máis pequenos, que tamén protagonizan o cartel e vídeo oficial gravado na Praia da Xunqueira. Esta será, sobre todo, a edición récord de participación infantil con até 50 nenos e nenas que serán escollidos nun casting aberto a todos os que desexen participar.
Pero o desfile, apuntan tanto dende Concello como dende o comercio, busca ser un “espectáculo ameno e dinámico”. Así, contará coa actuación da escola de danza urbana de Boombox e o concerto do grupo local “The Broke”, banda con influencias do funk, punk e incluso hard-rock que promete levantar aos asistentes.
Esta gran festa do comercio local conta co apoio decidido do goberno municipal, segundo explicou a concelleira de Promoción Económica, Coral Ríos, ao ser “necesaria unha colaboración estreita para facer fronte a unha situación que cada vez está máis revirada” e lograr así “ fixar a clientela no comercio de proximidade dentro dun modelo de Centro Comercial Aberto”. Ser, en definitiva, “un escaparte de todo o que pode ofrecer o comercio de proximidade”, nas verbas da rexedora local, Leticia Santos.
A cita, organizada pola Federación de Comerciantes e Industriais do Morrazo, en colaboración co Concello de Moaña, Xunta de Galicia e Abanca, estará presentada polo cómico e presentador Duarte Galbán e conta co traballo da axencia de modelos New Models e de GF Studio, esta última a cargo da imaxe e traballo creativo.
Vuelve el Festival FURIOSA a Vigo para revitalizar la música electro. El Casco Vello acogerá el acto de presentación de esta nueva edición en una jornada gratis
Los aficionados al motor y a los vehículos clásicos tienen esta cita imprescindible en el parking exterior del CC Gran Vía este sábado 20
La Festa da Empanada Mariñeira de Portonovo se celebra el próximo fin de semana. ¡Estas son las recetas que se podrán probar!
Vigo ha iniciado la cuenta atrás para disfrutar desde este viernes de la novena edición del Galician Freaky Film Festival
Con sede no campus de Pontevedra e seguimento presencial e virtual
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL