A Roda e Xabier Fortes protagonizan unha Feira do Requeixo das Neves con "importantes cambios"

Trinta anos con historia, da que foron protagonistas todos os nevenses. Ese é o centro e o motivo deste 2023, e por iso, este ano, a presentación da ‘Feira do Requeixo e do Mel’ das Neves, estivo dirixida a eles. Cambiou, así, a tradicional convocatoria aos medios de comunicación para que os cidadáns foran os primeiros en coñecer a programación desta ’30ª edición’, e tamén os primeiros en probar, reunidos na Casa da Xuventude, os produtos que vanse servir os vindeiros día 7 e 8 de abril.

Xabier Fortes será o pregoeiro. Como apuntou Rocio Barreiro, haberá “importantes cambios” en relación coas celebracións e o programa dos anos pasados, así, o ‘showcooking’, que tradicionalmente organizábase, deixa paso ás “orixes do requeixo”, con degustacións e elaboración de pratos elaborados co mesmo. Tamén ábrese unha ‘paréntese’, nos pregóns culinarios, que nos últimos anos tiñan como protagonistas a cociñeiros da sona de Pepe Solla, en 2017; Iván Domínguez, en 2019 ou Iñaki Bretal o pasado 2022, e o pregoeiro será, nesta ocasión, un comunicador, o xornalista Xabier Fortes.

Másnoticias

Vuelve la histórica Festa do Salmón a menos de una hora de Vigo y estos son los precios

17/05/2025

Así es la food truck que transformará las fiestas gastronómicas más top de Pontevedra en pinchos

17/05/2025

Poesía, paixón, paisaxe e persoas

Estas son as catro verbas que definen o requeixo e o mel das Neves. O encargado de pronuncialas foi o presidente da Cooperativa Condado Paradanta, Alejandro Martínez, quen deu a benvida aos novos conversos aos excelentes produtos das Neves e tivo unha lembraza, emocionada, a “todas e todos os que nos precederon, que fixeron posible co seu legado que hoxe esteamos aquí”.

Martínez agradeceu que a nova normativa europea permita, dende hai so uns días, o Goberno galego recoñecese ao Requeixo das Neves como ‘Alimento Artesano de Galicia’, e asegurou que enlaza co eslogan Vive nas Neves, contribuindo a que, cada día, sexa máis atractivo vivir aquí.

“O Requeixo e o mel, xunto cos viños, nos levan polo mundo”

Pechou o acto o alcalde das Neves, Xosé Manuel Rodríguez, quen asegurou que “a Feira do Requeixo e do Mel está no momento que lle corresponde”. Lembrou que pasaron 32 anos dende que comezara, ainda que só poidemos celebrar 30 edicións, a causa da pandemia, e felicitou que a feira se celebre o venres santo, “foi un acerto de quen pensouno e hai que recoñecelo”.

Por último, o alcalde amosouse satisfeito porque a decisión de engadir un día máis a feira o sábado, e trasladala á Praza Maior, “deulle máis espazo, máis dignidade, mellorou a súa estética e a proxección duns produtos que, como o viño nos levan polo mundo, e iso é vivir nas Neves”.

Actividades

As actividades deste ano, comezarán días antes da feira, concretamente, o domingo 2 de abril será a ‘Andaina do Requeixo e do Mel’, que rematará en Cerdeira onde haberá unha degustación de pratos elaborados con Requeixo amenizada pola da Banda de Música Popular de Rubiós. As prazas son limitadas e precísase inscrición previa. Por outra banda, nos dous días da feira, estará habilitado un espazo infantil, na carpa situada na Praza do Concello.

Programación da Feira do Requeixo e do Mel das Neves

Venres 7 abril

• 11:00: Apertura da Feira
• 12:00: A Pontenova. Animación musical
• 12:30: Recepción na Casa do Concello
• 13:00: Pregón a cargo do xornalista Xabier Fortes, presentador de Lanoche en 24 horas de TVE
• 15:30: Charanga Los Támega. Animación musical
• 16:00: Taller infantil de elaboración de pratos con requeixo. Carpada praza do Concello
• 17:00 a 20:00: Obradoiros de Cultura Urbana na Casa da Xuventude
• 18:00: Taller de elaboración de pratos con requeixo para persoas adultas. Carpa da praza do Concello
• 20:00: A Roda. Concerto na Praza Maior. Musigal
• 00:00: Música nova. Mel de meiga

Sábado 8 abril

• 11:00: Apertura da Feira
• 11:30: Cé orquestra pantasma. Animación musical
• 12:00: Taller de elaboración de pratos con requeixo para persoas adultas. Carpa da Praza do Concello
• 13:30: Vermú musical na Praza Maior. Chavellos
• 16:00: Taller infantil de elaboración de pratos con requeixo. Carpa da Praza do Concello
• 18:00: Caamaño e Ameixeiras. Concerto na Praza maior
• 19:30: Clausura da Feira