A Concellería de Turismo do Concello de Redondela que xestiona María Castro e dentro das iniciativas que realiza de cara a posta en valor do Meirande, dotará a esta instalación museística dunha ferramenta dixital que permita, por unha banda, establecer unha contorna virtual para a descrición da Batalla de Rande e, por outra, a virtualizar o propio Meirande.
De cara a darlle forma á recreación virtual, durante a mañá de onte desenvolvéronse os traballos de gravación nas distintas salas do Meirande que, posteriormente e acompañados dun guía virtual, as e os visitantes poderán percorren con detalle e con entornos de 360 graos.
Tal e como explica a alcaldesa redondelá, Digna Rivas, o proxecto “leva o Museo físico a un entorno de navegación dinámica onde as persoas visitantes gozarán dunha experiencia cultural na que coñecerán a fondo o Meirande”.
Para acadar un maior impacto utilizaranse varias ferramentas de divulgación como a antedita visita guiada, o acceso a persoas con discapacidade a través da incorporación de audios descritivos das salas e elementos musealizados; teatralización y animación en espazos específicos a través de actores caracterizados de personaxes da época que describirán a vida a bordo das naves e narración técnica especializada coa inclusión de vídeos de expertos realizados por historiadores ou profesionais destacados.
No que á Batalla de Rande fai referencia, o proxecto de realidade aumentada permitirá que as persoas visitantes poidan acceder a unha recreación do combate naval tal e como aconteceu e inclúense códigos QR en distintos puntos da enseada para poder recrear a batalla dende esa perspectiva o que permite ás e aos visitantes coñecer a disposición dos barcos, os movementos de defensa ou os puntos de desembarco en terra.
Digna Rivas lembra que o turismo cultural “atrae cada día a maior número de persoas e Redondela posúe un enorme potencial nese eido que é preciso poñer en valor. Nese contexto o Meirande, “un dos grandes descoñecidos, estase a confirmar como un elemento de atracción turística de primeiro nivel, como así o indica o crecemento continuado de visitantes”.
Cómpre destacar que o Meirande forma parte, dende hai uns meses, da Rede de Espazos Museísticos Atlánticos (REMA) á que, ata o de agora, non pertencía, unha adhesión que, afirma a rexedora redondelá “non só pon ao Meirande no mapa dos museos costeiros de Galicia, norte de Portugal e Asturias, senón que é un extraordinario elemento de dinamización do patrimonio ligado ao mar”.
Los jóvenes de la localidad que organizan la cita lamentan la "falta de compromiso y palabra" del Gobierno local
Este fin de semana Ponteareas vive inmersa en las Festas de Setembro con una amplia programación que incluye la Feira Tradicional dos Remedios
Comienza una nueva edición de Pincho Folk en Salceda de Caselas durante todo el mes de septiembre que incluye premios para los participantes
Vigo y su área enfilan la recta final del verano con estas once formas diferentes de disfrutar del fin de semana
Dotado de equipamento punteiro, dá apoio a diferentes universidades e empresas así como a centros tecnolóxicos
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL