América e Galicia abrázanse en Baiona co espectáculo musical Son Galego, Son Cubano de Roi Casal

A praza do Concello de Baiona acollerá o vindeiro xoves 17 de maio, Día das Letras Galegas, o espectáculo musical Son Galego, Son Cubano, de Roi Casal. O evento, que arrancará ás 20:00 horas e se engloba nas celebracións do 525 aniversario da Arribada da Carabela Pinta, aposta pola música como ponte de unión entre Galicia e América.

Nunha abraiante fusión cultural entre a música de Cuba e a poesía galega, o espectáculo, componse dunha selección dos trece temas nos que se recollen os poemas do ilustre escritor galego Neira Vilas musicados por Casal.

Másnoticias

Baiona celebra su Magosto con 260 kilos de castañas gratis y música al atardecer

13/11/2025

El cine del área de Vigo que es gratis y que proyecta películas históricas ofrece estas dos sesiones especiales

11/11/2025

A aventura que deu neste proxecto comezou xa no 2014, cando despois de ser premiado na Habana, o compositor “camiñou, conversou, observou e quedou namorado da capital” cubana. Dende ese intre púxose a traballar até que a produción discográfica tomou forma e foi publicada no verán do ano 2016, chegando a máis de 50.000 persoas nunha xira que arrancou no Gran Teatro da Habana.

A relación Cuba e Galicia que se celebra agora nas vilas do país foi especialmente estreita dende a metade do século XIX e até 1930. Non en van, a actual Real Academia Galega ten a súa orixe na Habana coa creación da Sociedade Protectora da Academia Galega, por iniciativa de Manuel Curros Enríquez e Xosé Fontenla Leal. Unha irmandade dos pobos aos dous lados do Atlántico que agora Casal impulsa entrado o século XXI.

Agora, Baiona celebra esa fusión con un concerto para o que “non habería mellor lugar que a Real Vila”, apuntan dende o Concello. Precisamente, os temas que forman parte do espectáculo recollen parte da epopea dos galegos na illa, un dos principais destinos da emigración.