A pasarela de moda do Morrazo, Amodiña, celebrará a súa edición “máis fresca e colorida” mudando as datas para poder presentar, por vez primeira en sete anos, as coleccións de primavera e verán. A cita celebrarase como de costume no Paseo Marítimo de Moaña, pero adiántase do tradicional setembro a abril buscando “facer un xiro no enfoque para crear unha pasarela aínda mais atractiva”, segundo explicaron esta mañá os organizadores na súa presentación.
O evento de moda por excelencia na nosa contorna, que terá lugar o sábado, 21 de abril, ás 21:00 horas, quere amosar a fortaleza das pequenas empresas ofrecendo unha mostra de “todo o que se vai levar” nos vindeiros meses. En total, Amodiña acolle este ano a 30 negocios de moda, beleza e complementos que amosarán os seus produtos de moda infantil, home e muller, lencería, zapatería, perruquería, óptica, complementos, florería ou repostería a través dunha pasarela de 15 metros.
Como de costume, o evento constitúe como un gran espectáculo audiovisual con actuacións en directo. Volve a contar este ano con Boombox Escuela Urbana, dirixida polos irmáns Yara e Kevin Juncal Graña, formados con profesores internacionais, coreógrafos de grandes artistas como Beyoncé, Michael Jackson ou Usher.
No apartado musical contarase con The Marveltons, banda formada por sete integrantes que achegarán as súas notas e versións de estilos Doo wop, Soul, Funk & Rock ́N Roll ao público asistente.
Amodiña 2018 estará este ano presentada por María Salgueiro, recoñecida actriz e guionista, e o seu acceso será coma sempre de balde. En caso de chuvia trasladarase o evento ao Pavillón de Reibón.
A presentación correu a cargo de Nelida Carracelas - Vicepresidenta de FECIMO-, Coral Rios – Concelleira de Promoción Económica do Concello de Moaña –, María Salgueiro – Actriz e Presentadora de Amodiña VII, Jacobo Gayo –Fotografo e Xerente da Axencia de Comunicación GFSTUDIO encargada da Campaña de comunicación e a comisión organizadora de AMODIÑA, integrada por membros da directiva de FECIMO.
Una nueva edición de Mercadiño llega a Vigo para activar el comercio de segunda mano con muchas novedades primaverales
Las fiestas de San Telmo de Tui ya tienen fecha y cartel, que estará protagonizado por la Catedral y fuegos artificiales
El festival "Camiño da Rosa", suma una nueva edición este mes de abril. Estos son los artistas que forman parte del cartel de este año
Vuelve el festival de la cerveza al centro de Vigo con 11 días de birras, foodtrucks y música. Está a punto de empezar y esto es todo lo que podrás encontrar
EmpregoInCampus trasládase o 9 de abril ao campus de Ourense, con postos informativos e actividades no Pavillón universitario de deportes
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL