Así será a segunda edición da Comic-Con de Moaña

Moaña será o epicentro do cómic galego o 4 e 5 de maio. O evento, que celebra a súa segunda edición tras unha exitosa estrea o pasado ano, contará coa participación de 14 institutos de Moaña, Cangas, Vigo e outras localidades de bisbarra coma Tui ou Nigrán. Esta cita, que xa vai camiño de ser a máis importante neste apartado na provincia de Pontevedra, está organizada polo IES A Paralaia e o IES As Barxas coa colaboración do Concello de Moaña.

A Comic-Con trátase dun evento distinto, unha cita que combina a profesionais da novena arte cos alumnos destes catorce centros educativos. Ese é un dos elementos máis diferenciais deste evento feito polos propios estudantes dos dous institutos de Moaña, que deseñaron o cartel o tríptico e que tamén xestionan a web oficial desta cita imprescindible para os amantes do cómic e, sobre todo, do manga.

Másnoticias

Dimite el coordinador de Cultura del PPdeG por la "incompetencia" del conselleiro López Campos

19/11/2024

Moaña despedirá noviembre con una "Feira de Nadal" solidaria con mercadillo, música y comida

17/11/2024

A gran novidade desta segunda edición da Comic-Con de Moaña a celebración de varios torneos de videoxogos como a competición que terá lugar o sábado, ás 16:30 horas, sobre o Smash Bross para a Wii U. Ademais, ao longo das dúas xornadas haberá torneo de xogos de mesa e pistolas nerf, namentres que en horario de tarde haberá Jugger, unha modalidade na que se combinan deportes de pelota con outros de loita.

A Comic-Con de Moaña inclúe tamén no seu menú con interesantes obradoiros con grandes profesionais como Julio Lorenzo, dobrador de series como "Dragon Ball" ou "Inspector Gadget", e Iago Araújo e María Vilar, que impartirán un obradoiro de debuxo manga. Os asistentes tamén poden participar, además deste último taller, en actividades como a creación de origami, "hama beads"ou no concurso de cosplay no que os concursantes "encarnanse" nunha personaxe xa existente do mundo manga, anime, cómic ou videoxogos.

A maior parte da programación terá lugar na planta alta da praza de abastos, pero o pavillón do colexio de Reibón acollerá un partido de Quidditch, o deporte máxico protagonista nas novelas sobre Harry Potter. O encontro será o sábado, 5 de maio, ás 16:00 horas.

Todo o programa de actividades da Comic-Con de Moaña arrancará ás 10:00 horas e rematará ás 20:00 horas.

A Comic-Con, un evento "mediático"

A cita que reunirá a máis de 300 adolescentes en Moaña será gravada pola televisión escolar de Moaña, unha plataforma autónoma de carácter municipal que mostrará todas as actividades de todos os institutos e os colexios da localidade morracense.

O acto da presentación da Comic-Con de Moaña contou coa presenza da alcaldesa Leticia Santos; do concelleiro de Xuventude, Pablo Ríos; dos docentes Eugenia Martínez e Curro Zea e das alumnas Andrea Pérez e Ayelén Giambroni, que acudiron con dous modelos de cosplay.