Así será a axenda cultural de Tui para o 15 aniversario do seu Teatro Muncipal

Oito espectáculos teatrais e seis eventos multidisciplinares compoñen a axenda cultural do Concello de Tui para este primeiro semestre do ano. Unha axenda “especial”, xa que celebra os 15 anos en funcionamento dun teatro “de referencia cultural”, en verbas do alcalde de Tui, Carlos Vázquez Padín.

No tocante aos espectáculos teatrais e proxeccións de cinema, a programación dívidese ofrecendo un 50% para público adulto e o outro 50% para público infantil e xuvenil.

Másnoticias

Operación de película en plena A-55, la Guardia Civil rescata en marcha a un conductor

09/05/2025

El mejor cine se disfruta desde este martes en el Play Doc: el evento arranca con Traspielas

07/05/2025

Programación para todos os públicos

No caso da programación para adultos, o Teatro Municipal de Tui contará cos espectáculos  “La Zanja”, o 3 de febreiro, “Falar sen cancelas”, o 2 de marzo , e “O rei morre”, o 9 de marzo.

“La Zanja”, de Titzina Teatre

Sábado, 3 de febreiro | 20:30 horas

Humor e emoción nunha nunha historia que nos transporta até o descubrimento de América protagonizada polo “descubridor” Pizarro e o derradeiro rei inca Atahualpa. Dous continentes, de distintas raíces culturais, dous mundos diferentes obrigados a entenderse. Unha viaxe paralela entre o presente e o pasado que trata sobre a nosa historia e a condición humana.

Prezo: 6-4,5€ | Idioma: Castelán | Duración: 90 minutos | +14 anps

“Falar sen cancelas”, de Culturactiva

Venres, 2 de marzo | 21:30 horas

Hora e media de humor sobre a galeguidade, a lingua, as nosas costumes e ritos; unha festa de gags cómicos e situacións nas que veremos o mellor (e o peor) de nós mesmos porque o falar ... non ten cancelas.

Prezo: 6-4,5€ | Idioma: Galego | Duración: 75 minutos | +18 anos

“O Rei Morre”, de Sarabela

Venres, 9 de marzo | 21:30 horas

O rei Berenguer I construíu un mundo a súa medida. Crese atemporal e non é quen de aceptar a verdade de que o final da súa vida está preto. Pensa que se trata dun pesadelo e non deixa de dar ordes coma quen o pode controlar todo. A súa muller e o seu médico tentan convencelo de que acepte a crúa verdade.

Prezo: 6-4,5€ | Idioma: Galego | Duración: 70 minutos | +12 anos

Obras para nenos e nenas

Pola súa parte, o público familiar contará con outras tres obras como son o “Paxaro Amigo, músicas para a paz”, que achegará Mamá Cabra o 2 de febreiro, o mago Cayetano Lledó con “Sherlock Holmes” o 3 de marzo e a representación de “Pum,pum!” de Baobab Teatro o 10 de marzo.

“Paxaro Amigo, músicas para a paz”, de Mamá Cabra

Venres, 2 de febreiro | 20:00 horas

https://www.youtube.com/watch?v=pQtjEIxGi2M

Teatro e música conxúganse á perfección nun espectáculo que incide en construír un mundo mellor e máis xusto. A vida da bruxa Discordia cambiará para sempre grazas a súa curmá a fada e a un ornitólogo que busca un paxaro en extinción que só vive en recunchos de amor e paz.

Prezo: 4-3€ | Idioma: Galego | Duración: 55 minutos | +3 anos

“Sherlock Holmes”, de Cayetano Lledó

Sábado, 3 de marzo | 19:00 horas

Teatro, comedia, maxia e moito humor nun show no que Sherlock Holmes resolverá o caso do roubo das xoias da Mansión dos Patterson. Todos, dende a baronesa até o mordomo, son sospeitosos, incluso podería ser que alguén do público puidera ser o responsable desta importante desaparición.

Prezo: 4-3€ | Idioma: Galego | Duración: 75 minutos | +3 anos

“Pum,pum!”, de Baobab Teatro

Sábado, 10 de marzo | 19:00 horas

Cada porta agocha unha historia, unha música coa que Marieta baila. Pero hai unha porta que garda un segredo que Marieta nunca contou. O espectáculo fala dunha mensaxe que os nenos deben saber dende cativos: ninguén lles pode obrigar a facer cousas que non queren.

Prezo: 4-3€ | Idioma: Galego | Duración: 50 minutos | +5 anos

Amais o Concello fixo unha aposta polo cinema coa contratación da proxección de dúas películas, unha de animación para público infantil “Ballerina” o 9 de febreiro, e outra para público adulto “Maria (e os demais)” o 10 de febreiro.

Fóra do Teatro tamén hai espazo cultural en Tui

Xa fóra do Teatro Municipal a primeira cita será coa celebración do Entroido co XXXI Desfile Concurso de Comparsas o luns 12 de febreiro – festivo local na cidade – e co Enterro do Bacallau o Domingo 18 de febreiro.

As festas de San Telmo, do 31 de marzo ao 9 de abril, declaradas de interese turístico galego, forman parte tamén desta oferta eventos coma o festival folclórico e a Semana de Teatro Afeccionado.

Do 26 de abril ao 1 de maio chegará un dos eventos audiovisuais máis importantes da nosa provincia, co Festival Internacional de Documentais de Tui, Play-Doc, que se completa coa XXI Feira do Libro, prevista para o 17 de maio e dedicada á escritora María Victoria Moreno.

A presentación desta mañá correu a cargo de Carlos Vázquez Padín, alcalde de Tui; Eduardo Freiría, concelleiro de Cultura, Patrimonio e Medio Ambiente; Jacobo Sutil, director da AGADIC; Emi Candal, representante de Urdime; Fran Rei, xerente de Culturactiva, Cayetano Lledó, mago profesional; e Fina Calleja, actriz de Sarabela Teatro.