Budiño, o gran anticipo musical do Dia das Letras Galegas en Vigo

O Dia das Letras Galegas xa é unha realidade. Ademais das actividades dos concellos de Vigo e a súa área, a urbe galega acolle este xoves 16 de maio o concerto de Budiño, un referente da música galega que despois de seis anos de silencio publicou a comezos deste 2019 “Fulgor”, un novo traballo con dez cancións orixinais, compostas, producidas e cantadas por el mesmo.

O recital do moañés terá lugar ás 22:30 horas en La Fábrica de Chocolate. A apertura de portas está programada para as 22:00 horas. As interesadas e interesados poden adquirir as localidades na plataforma de Ticketea (premer aquí) por un prezo que vai dende os 12 euros.

Másnoticias

El triunfo de la viguesa Bimba y Lola, sube sus ventas un 7% y alcanza ya las 311 tiendas

15/09/2025

Vialia Vigo prepara su fiestón de cumpleaños más único con una tarta gigante para 2.500 personas

15/09/2025

“Fulgor” ven armado de grandes letras, letras de poetas como Antía Otero ou compositores como é o caso de Xoel López e Vega. E, como non, letras do propio Budiño que foi quen de dotalas do seu universo.

O artista moañés se rodeou neste “Fulgor” de tres guitarras da altura de Antonio Casado, Jairo Zavala (Depedro) ou o “sotaque” luso africano de Luiz Caracol. E destacable tamén a participación do Cuarteto Quiroga, recentes gañadores do Premio Nacional de Música, enchendo de maxia “Santiago” e “Bos Amores”.

Budiño agasalla aos seus fans cun disco máis plural, máis sen xénero, máis aberto e máis de todas, en resume, máis Budiño que nunca. Chegou “Fulgor” porque todo brilla, todo resplandece, porque Fulgor é de todos os que deciden seguir brillando, un “Fulgor” para unha nova etapa que xa non soa a silencio.