A camelia "florece" esta fin de semana en Tui

Este sábado, 20 de xaneiro, ás 12:30 horas terá lugar na sala de exposicións da Área Panorámica a inauguración da III Mostra da Camelia Cidade de Tui organizada por ATUCA, a Asociación de Amigos Tudenses da Camelia, co patrocinio do Concello de Tui e da Deputación de Pontevedra, e a colaboración da Sociedade Española da Camelia.

O acto inaugural correrá a cargo do alcalde de Tui, Carlos Vázquez Padín, xunto ao xerente do Xacobeo, Rafael Sánchez Bargiela, e un representante da Deputación de Pontevedra. Tamén se contará coa presenza Laura Almuíña da Sociedade Española da Camelia, e Pilar Vela da Estación Fitopatolóxica de Areeiro.

Másnoticias

Diez planazos en Vigo y área con fiestas, conciertos, mercadillo o verbena para vivir un finde único

16/05/2025

O Rosal pondrá en marcha un nuevo espacio gastro en su mercado para convertirlo en referente

15/05/2025

A III Mostra da Camelia de Tui, precedida da polo éxito das dúas edicións anteriores, contará coa presenza de preto de 80 expositores chegados de toda Galicia, Asturias e do Norte de Portugal que ao longo de dous días amosarán distintos exemplares de variedades da camelia, así coma tamén expositores representantes da industria xurdida desta especie con produtos de cosmética como aceites ou xabóns, pero tamén cada vez máis coa produción de té que ten como orixe unha variante da camelia.

De forma paralela á mostra foi convocado un concurso de debuxo e poesía sobre a temática desta planta, cuxos premios serán entregados tras o acto inaugural.

A exposición poderá visitarse, con entrada de balde, o sábado de 12:30 a 14:00 horas e de 16:30 a 20:30 horas e o domingo de 10:00 a 14:00 horas e de 16:30 horas a 20:00 horas.