Compras solidarias en Moaña por un Nadal feliz tamén para os animais sen fogar

Por segundo ano consecutivo, diferentes protectoras de animais da provincia cítanse en Moaña polo Nadal no seu mercado solidario. Co gallo de ofrecer unha alternativa de compra para os agasallos típicos destas datas e á vez lograr a colaboración para sustentar aos animais sen fogar, o andar superior da praza de abastos acollerá este sábado 8 e domingo 9 de decembro diferentes postos.

Artesanía, libros, decoración, xoguetes ou roupa serán algúns dos produtos que se poderán atopar neste segundo mercado solidario que permita apoiar a actividade destas organización s sen ánimo de lucro que ven como no inverno os seus gastos increméntanse. Segundo sinalan, “co frío, a saúde dos animais empeora e os gastos veterinarios dispáranse, polo que as organizacións que se encargan do seu coidado precisamos máis axuda”. Soamente no Morrazo, estas organizacións manteñen en condicións dignas a máis dun centenar de animais cun gasto mensual de 1.000€ soamente en produtos veterinarios.

Másnoticias

Colonias Canguesas denuncia un caso "grave de negligencia y maltrato animal institucional"

19/05/2025

Quejas por el estado de una de las playas más 'top' de todo O Morrazo

18/05/2025

Este ano, a cita de copras e solidariedade contará cunha barra na que poder degustar doces caseiros e bebidas quentes, coma o ponche de Nadal, moi popular cando chega o frío, a prezos populares. Ademais, durante toda a fin de semana recollerase comida tanto de can, coma de gato.

O sábado 8, ás 17:30 horas, haberá un obradoiro infantil no que os pequenos poderán facer as súas propias artesanías de Nadal e o Domingo 9, ás 17:00 horas o mago Roberto Lolo porá o fin de festa co seu espectáculo de maxia e humor.