Tui celebra a música coral galega con dez concertos en trece días

Dende 1990, a cidade de Tui acolle cada verán o curso de dirección, canto e técnica vogal en coro e orquestra. Tratase dun evento masivo, non só para os alumnos e alumnas interesados neste tipo de música, senón para o público en xeral, xa que as prazas do conxunto histórico acolleran case un concerto diario dende hoxe e até o luns, 14 de agosto.

O curso “Tamara Brooks”, que leva o nome da que fora a súa directora até o seu pasamento en 2012, está estruturado en diferentes bloques e niveis de formación, adaptados ás necesidades do alumnado. Dez dos mellores profesores de Galicia especializados en cadansúa disciplina académica serán os encargados de dirixir e divulgar os seus coñecementos nas diferentes masterclasses.

Másnoticias

El último finde de agosto llenará de planes en Vigo y su área con el Galicia Fest, Romaría do Pan de Millo y más

29/08/2025

Dos charlas y un taller, las actividades de esta semana en el programa "Feminino Plural" de Tui

24/08/2025

Concertos diarios nas prazas do conxunto histórico

Co obxectivo de atraer aos visitantes e veciños á escoitar música clásica, que non deixa de aumentar en asistentes aos recitais, dende a organización preparan unha intensa programación de concertos que terán lugar nas prazas e edificios máis emblemáticos do conxunto histórico tudense.

A inauguración terá lugar na tarde de hoxe, ás 20:30 horas, cun recital lírico a cargo da soprano Gloria Novoa, da alto Sonia Bouzada, do tenor Juan Abalde e do barítono Borja Quizá. Estarán acompañados polo piano de Rasa Jakutyte-Biveiniene. O concerto celebrarase na Igrexa de San Domingo.

O resto de concertos serán pop a capella (xoves, 3), recital de canto (venres, 4), cántico doméstico (sábado, 5), Noite Meiga (domingo, 6), coro piloto (Luns, 7), concerto dos alumnos de canto (martes, 8), MiniGaos (mércores, 9), tetramorph (xoves, 10), Dextrum Ensemble (venres, 11) e o concerto de clausura na Catedral de Tui o luns, 14 de agosto.

Ademais, Silleda e Ponteareas acollerán dous concertos o sábado, 12 de agosto, e domingo, 13 de agosto, respectivamente.

Masterclasses para todos

Os cursos de verán ofrecen tanto actividades de balde como de pagamento. Por unha parte, e de xeito totalmente gratuíto, haberá ensaios de coro para directores, estudantes de canto ou instrumentistas de corda. Outra das actividades de balde será o seminario de Fernando Malvar-Ruiz centrado na preparación e dirección de coros infantís e xuvenís.

Por último, os alumnos e alumnas poderán anotarse en cursos de canto e de dirección con prezos que comezan nos 55€.