Fin de semana de teatro en Ponteareas. Este sábado 13 de maio desembarca no auditorio municipal Reveriano Soutullo ‘N.E.V.E.R.M.O.R.E’, unha obra de teatro de Chévere que lembra a traxedia do Prestige despois de dúas décadas. No ano 2002 esta traxedia asolaba as costas galegas e milleiros de voluntarios e voluntarias saíron a loitar contra ela vestidos cos seus traxes brancos. Anos despois, outra traxedia sacudía Galicia e o resto do mundo, unha pandemia na que de novos os traxes brancos de protección volveron a ser protagonistas. Unha realidade que foi a que inspirou a Chévere para que o público non esqueza que as cousas poden ser doutra maneira.
Deste xeito, con dramaturxia e dirección de Xron, a compañía galega presenta unha ficción con base documental que aborda a ferida aínda aberta polo desastre do Prestige e a conecta cunha humanidade abocada a catástrofes anunciadas como a pandemia ou a crise climática. Nela, Manuel Cortés, Borja Fernández, Mónica García, Miguel de Lira, Patricia de Lorenzo e Arantza Villar poñen corpo a testemuños reais das persoas que habitaban a zona máis castigada pola marea negra e recrean a xestión fallida da crise por parte das autoridades.
A obra representarase este sábado 13 ás 20:30 horas. As entradas terán un prezo de 3 euros por persoa e poranse á venda o venres de 10:00 a 14:00 horas na biblioteca municipal ou o propio sábado na billeteira do auditorio de 11:00 a 13:00 e de 18:30 a 20:30 horas.
O concelleiro de Cultura, Fernando Groba, convida a toda a veciñanza a gozar dunha tarde de teatro no auditorio municipal este sábado cunha obra “que acode á memoria colectiva e coa que tentar desfacer o feitizo que segue a rodear a catástrofe do Prestige”.
Una de las grandes fiestas de pre fin de año de Galicia promete nueve horas de música con orquestas top y seis djs. Así es "O Pepotazo"
La sucesora del mítico Pinchorriño arranca con enorme asistencia de público un mes de tapeo por apenas 1,50 euros por pincho en O Porriño
Galicia acoge diferentes fiestas gastronómicas en estas primeras semanas de noviembre. ¡Descúbrelas todas aquí y anótalas!
O Porriño ha desvelado cuáles son los locales participantes en la ruta de pinchos y tapas "D-Gusta Porriño". ¡Estas son sus propuestas!
A homenaxeada é enxeñeira principal de Sistemas no Centro Espacial Goddard da NASA
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL