Éxito total do “Solpores do Museo”: entradas esgotadas para os concertos

O éxito dos concertos vai máis alá de Castrelos. O recente “Solpores do Museo”, o ciclo que ten lugar este verán no Museo do Mar, xa esgotou todas as localidades gratuítas para os recitais que comezan este mesmo mércores 24 de xullo. A expectación por parte do público foi máximo. En tan só dúas xornadas esgotáronse todas as entradas para gozar das seis citas musicais desde “Solpores do Museo” que combina a maxia da posta do sol coa boa música nun exclusivo ambiente cun aforo limitado a 300 persoas por sesión.

O ciclo busca ademais dinamizar os espazos de lecer do Museo do Mar e contribuír á oferta do centro cultural. Os concertos, que se desenvolverán ao atardecer, terán como valor engadido o espectacular solpor na ría de Vigo, unha estampa aderezada tamén pola calidade arquitectónica do edificio do Museo do Mar.

Másnoticias

El imperio contraataca en la Estrella de la Muerte de la Navidad de Vigo

23/11/2024

Vigo anuncia medidas por el temporal Bert y suspende las visitas al árbol de Navidad

23/11/2024

As seis citas semanais celebraranse ata finais de agosto e contarán con artistas de renome a nivel nacional e galego como Zenet, Joe Crepúsculo, Soleá Morente, Xosé Manuel Budiño ou Baiuca, que estarán acompañados de músicos vigueses como Amaro Ferreiro, Moon Cresta, Bluisvai ou Presumido.

A primeira sesión será este mércores 24, ás 20:30 horas, e terá un acento marcadamente galego coa participación de Baiuca e Presumido. As seguintes entregas de “Solpores do Museo” continuarán xa en agosto con Amaro Ferreiro e Villanueva (1 de agosto), con Moon Cresta e a banda Aurora & The Betrayers (8 de agosto), con Soleá Morente e Xosé Manuel Budiño (15 de agosto), con Joe Crepúsculo e Cora Velasco (22 de agosto) e con Zenet e Bliusvai (29 de agosto).

A organización habilitou en total 1.800 entradas gratuítas en só 48 horas tras a presentación que tivo lugar a pasada semana e que contou coa presenza do conselleiro de Cultura e Turismo, Román Rodríguez, e a delegada da Xunta en Vigo, Corina Porro. O conselleiro celebrou nese acto a posta en marcha desta iniciativa por entender que “permitirá amosar todo o potencial do tecido cultural de Vigo e de Galicia en interacción con artistas foráneos”, xa que o proxecto nace coa vontade de poñer en valor o traballo dos artistas locais artellando unha programación transversal xunto a outros artistas de renome nacional.