"Nado en Pedra" chega á Guarda con 18 pezas de gran formato

O Castelo de Santa Cruz, na Guarda, contará até o vindeiro 2 de maio coa mostra escultórica “Nado en Pedra”, elaborada polo alumnado do centro. A mostra itinerante busca por en valor o tradicional oficio da cantería e o traballo do centro pontevedrés.

As 18 pezas de gran tamaño que compoñen a mostra amosan algúns dos oficios tradicionais máis senlleiros da nosa terra, coa o de ferreiro, costureira ou canteiro, ademais doutras estampas da vida cotiá dunha época marcada pola emigración.

Másnoticias

Así es el innovador edificio que inaugurará Tomiño pionero por su diseño y proyecto social

18/09/2025

Dos detenidos de A Guarda por robos con fuerza en un local hostelero y una tienda de golosinas

16/09/2025

A exposición permanecerá nos xardíns do Castelo de Santa Cruz ata o 2 de maio. Poderá visitarse entre as 10:00 e as 20:00 horas de luns a domingo.

Escola de Cantería de Pontevedra

A Escola de Cantería de Pontevedra comezou a súa actividade en 1979 e, dende 1982, depende da Deputación de Pontevedra. O centro desenvolve as súas actividades como un taller de traballo artesanal en pedra, no que se combinan ensinanzas teóricas e prácticas. Entre os seus obxectivos atópanse os de estimular a vocación artística para o desenvolvemento da artesanía no sector e conservar e promover o patrimonio da arquitectura tradicional da escultura popular.

Os traballos do alumando e os profesores teñen deixado por todo o mundo pegada do patrimonio arquitectónico popular de Galicia (dende cidades coma Nova York e Bos Aires ata Alemaña), así como a realización de hórreos e outras obras que locen en varios puntos de España e o estranxeiro.