Festival para “parar o pelotazo” do proxecto de Mouriño en Mos

Mos segue albergando diferentes accións como medida de protesta co proxecto de Carlos Mouriño de facer un macro centro comercial nos montes de Tameiga. Tras o pleno bronco de finais de setembro, o Centro Cultural de As Pedriñas celebra este sábado 16 de novembro un festival que leva por nome “Paremos o pelotazo”, un evento que xurde “en defensa e protección do monte contra o pelotazo urbanístico que queren acometer”. Dende a organización apuntan que é unha cita de carácter solidaria na que todo o diñeiro recadado destinarase para sufragar a loita dos veciños para que non se leve a cabo este proxecto que encabeza o presidente do club vigués, Carlos Mouriño.

Este festival solidario-protesta comezará a partir das 21:30 horas e contará coas actuacións de Os Putos, O Puto Coro do Exército Froilanista e Os Residuos Atractivas. As tres propostas permitirán gozar dunha cita chea de punk, hardcore e no que será moi difícil que as pernas estean quietas. O prezo das entradas en taquilla é de 8 euros mentres que a entrada anticipada custa 6 euros e se pode adquirir na cantina de As Pedriñas.

Másnoticias

La música conquistará el Pazo de Mos con este festival gratuito que ya ha desvelado sus artistas

03/04/2025

El furancho de Mos que conquistó a Eva Longoria vuelve a abrir sus puertas

02/04/2025

O Puto Coro do Exercito Froilanista chegará ao escenario mosense co seu autoproclamado “monarko punk” con temas como “Peguei-me un tiro no pé” ou “Gora Froilán”. Defínense como a banda oficial do Partido Froilanista, cuxa Sagrada Misón é devolver a coroa ao Reino de Galiza e sentar a Froilán III no trono de granito.

https://www.youtube.com/watch?v=mXBc6XpgdJo&t=

Os Putos son actitude, diversión e frescura. Son unha banda criada para desfrutar ao vivo e non parar de bailar. Letras irónicas provocadoras e políticamente incorrectas e sempre comprometidas. O conxunto está composto por Elías (guitarra e coros), Tamara (teclado e coros), Kino (batería), Sérxio (baixo e voz).

Os Residuos Atractivas completa a programación deste evento no que poderemos gozar do seu son folk e punk. A banda está formada por Nacho Aluarez (acordeón, percusión, voz e coros), Álvaro Lamas (zanfona, percusión, voz e coros), Evaristo Alejos (gaita, baixo eléctrico, percusión, voz e coros), María Álvarez “Masha” (gaita, arpa, percusión, voz e coros) e Juan McKinnon (batería). Os asistentes desgrutarán dos temas do seu disco “Unha noite xa é bastante” que saíu á luz o pasado 2018.