Galicia segue sumando festivais este verán: o Revenidas confirma as súas datas

A organización do Revenidas anuncia hoxe que o festival se celebrará nos próximos 9, 10, 11 e 12 de setembro. O festival vilaxoanés volverá combinar de novo actividades para todos os públicos con concertos -que anunciará a próxima semana-, música a bordo de embarcacións tradicionais e distintas actividades gastronómicas e interdisciplinarias ligadas ao territorio e á cultura mariñeira da zona e das Rías Baixas.

As persoas que, ao ter o seu abono mercado para a pasada edición e que quixeran gardalo para asistir nesta ao festival terán preferencia para canxealo automaticamente como premio á súa fidelidade. No caso de querer solicitar a devolución do seu importe, tamén será posible. A plataforma de venda contactará con todas as persoas compradoras para facilitarlles máis información e que poidan escoller a opción que mellor lles conveña.

Másnoticias

PortAmérica anuncia el primer bombazo de su cartel: Rigoberta Bandini llega al festival de las Rías Baixas

20/11/2025

El mejor festival de las Rías Baixas desvela sus primeros cabezas de cartel: avance de PortAmérica

17/11/2025

Esta edición do festival pode levarse a cabo grazas a público, artistas e persoal traballador, pero tamén grazas ao apoio de varias institucións (Concello de Vilagarcía, a Deputación de Pontevedra, Turismo Rías Baixas a través da súa marca Rías Baixas Fest, a Xunta de Galicia, Xacobeo 21 e Agadic a través da súa marca Fest Galicia) e patrocinadores privados como Mahou ou Deleite.