Gondomar celebra o outono cun roteiro de tapas en formato tosta por 13 locais

Nace en Gondomar o I Concurso de Tostas de Outono. Trece establecementos do municipio presentaron este xoves xunto ao rexedor gondomareño, Paco Ferreira, unha nova iniciativa para “revalorizar a oferta gastronómica de Gondomar” buscando “a promoción e dinamización do sector” nun momento especialmente complexo para a hostelería.

Todas as tostas terán un prezo común de 3 euros e poderanse degustar entre os días 17 de outubro e 29 de novembro, en función do horario e datas de apertura de cada establecemento. Os asistentes poderán comprobar como ligan o puré de castañas co lacón e o pemento; a crema de castañas con chocolate quente; os cogomelos salteados con chalota e allo, enriquecido con crema de leite e xamón de crocante; ou, unha tosta de viño de Mencía, figos, queixo parmesano e foie de pato, entre outras moitas (achegamos relación de tostas que concursan).

Másnoticias

Nigrán ofrece este verano un campamento inclusivo en el pabellón municipal de Panxón

07/06/2025

Baiona iniciará el verano a lo grande con un festival que llenará de conciertos gratis su casco histórico

06/06/2025

Os establecementos participantes son Tapería Rural Ardora, El Tranvía, Tu pan tu Café, Xamonería Catro Camiños, As Novas Torres, Café-Bar Alameda, Tapería Adechape, Pazo da Escola, Chupipostres, A Galiña, La Vitrola, Bar Valente, Terra y Hamburguesería Plaza.

Este particular roteiro será tamén en formato concurso. Os clientes elixirán co seu voto ás tres mellores tostas, depositando a súa valoración en urnas habilitadas para a ocasión nos locais. Os tres primeiros clasificados contarán cun diploma acreditativo e ou máis votado recibirá unha Chaquetiña de Chef oficial serigrafiada co lema “I Concurso de tostas de Outono de Gondomar” e encabezará o cartel de promoción da seguinte edición.

Tamén recompensarase a participación cidadá e entre as papeletas depositadas polos consumidores sortearanse tres vales en metálico, por valor de 200, 100 e 50 euros, respectivamente, en concepto de cea, comida e almorzo a consumir nos tres establecementos que accedan ás mellores puntuacións.

Locales participantes y tapa