Co gallo de celebrar o primeiro ano de actividades culturais e literarias da Axencia de Lectura de Meiro, en Bueu, este sábado celébrase a primeira das actividades programadas para conmemorar esta efeméride. Trátase dun magosto popular que arrancará ás 16:30 horas no recinto de A Morada.

A cita, que busca conxugar ocio e cultura, tratará de unir tradicións, xogos e diversión. Deste xeito, maiores e pequenos poderán gozar das castañas asadas e dunha boa fogueira ademais de xogos populares.

Másnoticias

Bueu se despide del Entroido y entrega los premios a las mejores agrupaciones y comparsas

El Entroido se adelanta en Bueu con un desfile cargado de tradición

08/11/2025

Arranca oficialmente la temporada de furanchos en Galicia y ya hay tres abiertos cerca de Vigo

Vuelven los furanchos por unos días con vino, comida y verbenas en Moaña

06/11/2025

Ao seguinte venres, 27 de outubro, é a quenda do recital poético, que se celebrará ás 20.30 horas e no que xa está confirmada a asistencia dos poetas locais Dani Costas, Luís Chapela e Míriam Ferradáns, habituais desta actividade que xa se celebrou en varias ocasións na Axencia, coincidindo co rexurdir deste espazo e nas Letras Galegas. Neste acto contarase tamén coa música dalgúns membros do grupo de gaitas Retrouso de Cela, e cunha representación teatral, ademais dalgunha sorpresa máis.

Un ano cheo de eventos

Durante este primeiro ano de rexurdir da Axencia (hai que ter en conta que xa estivera aberta anteriormente pero tivera que pechar as súas portas no 2007), o balance foi moi positivo, cun gran número de actividades para todos os públicos, dende os máis pequenos aos maiores.

Celebráronse recitais poéticos, xornada de xogos tradicionais e chocolatada, charlas sobre historia e xornalismo, empoderamento sexual, e creación de grupos de traballo, rutas por espazos naturais como Cabo Udra, Monte Liboreiro e Ermelo, obradoiros para a rapazada, ‘Noites na biblio’, e lecturas dramatizadas, entre outras. Así mesmo, é destacable o club de lectura mensual que se reúne para comentar diferentes obras e conversar cos propios autores. Por agora, visitaron a Axencia Francisco Castro, director xeral da Editorial Galaxia, Inma López Silva, autora de Aqueles días en que eramos malas, e a moañesa Iria Collazo, co seu último libro A soidade das medusas.