O Goberno municipal de Moaña vén expresar o seu recoñecemento e apoio a comunidade LGBT a través dun manifesto no que aposta porque o Concello desenvolva “accións e actividades en colaboración co propio colectivo, non só con motivo do Día do Orgullo mais ao longo de todo o ano”.
Moaña lembra que o confinamento imposto para frear a pandemia da COVID-19 “puido ter como consecuencia o empeoramento da situación de moitas persoas LGTB ao se veren, en moitos casos, obrigadas a regresar para a casa onde podían padecer a LGBTfobia familiar, e estar separadas da súa rede de apoio habitual e forzadas a se pecharen de novo no armario por medo ao rexeitamento e mesmo á violencia, física ou verbal”.
Neste sentido, o Concello vén visibilizando a liberdade sexual a través de diversas accións, como o pintado de dous bancos cos cores da bandeira LGBT e trans, amais de organizar a súa Festa da Diversidade. A terceira edición, aprazada por mor do coronavirus, tamén se celebrará este ano, aínda que terá que ser xa no mes de setembro, nomeadamente o día 26.
“Os dereitos das persoas LGTB son dereitos humanos e a diversidade sexual debe contemplarse como un dereito básico en calquera ámbito da vida”, reza o manifesto.
A pandemia do coronavirus impide este ano celebrar as marchas e manifestacións do Orgullo. Xustamente por esta mesma razón “é imperativo que sigamos a facer visibles os obstáculos e as discriminacións que continúan a asolar a vida das persoas LGTB e poñer ao seu dispor todas as ferramentas precisas para axudalas a superar, na medida do posíbel, as consecuencias da LGBTfobia”, explican.
Así, neste domingo 28 de xuño o Concello de Moaña quere reivindicar a necesidade de traballar contra calquera tipo de discriminación, nomeadamente homofobia e transfobia. Non en van, fai soamente 30 anos que a Organización Mundial da Saúde suprimiu a homosexualidade da súa listaxe de enfermidades mentais tras séculos de homofobia médica e discriminación.
Vigo tendrá un portal al Jurásico con más de 30 dinosaurios en movimiento. Una sorprendente atracción única en toda España que llega por Navidad
Vigo Porté contará con la creadora japonesa-española como artista invitada en la presentación oficial de su próxima edición, el 29 de abril
PortAmérica anuncia los primeros integrantes del cartel de una edición que tendrá lugar del 9 al 11 de julio: entradas ya a la venta
El Centro Comercial A Laxe pone fecha a su particular encendido de Navidad. Un acto repleto de sorpresas y actuaciones gratis
Desde este martes pode verse no Museo a colección realizada con Bimba y Lola e Palomo Spain
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL