Mos repartirá 3.000 kilos na súa Festa do Codillo

O Codillo volverá a Mos novamente este mes de outubro. O Circulo Cultural e Deportivo de Mos celebrará a Festa do Codillo o domingo, 21 de outubro, aínda que o evento gastronómico contará con actividades previas tamén o sábado.

Durante a presentación deste ano, a organización destacou precisamente a novidade desta consistente nunha interesante festa incluída na programación da véspera do evento gastronómico propiamente dito. Trátase dunha festa ambientada nas décadas dos anos 60, 70 e 80, titulada ‘O Codillo Vai de Guateque’. Será na contorna do Pazo de Mos o sábado 20 de outubro ás 21.30 horas, con sorteo de premios para os asistentes caracterizados da época.

Másnoticias

Estos son los seis proyectos transformadores que la Diputación impulsa en el área de Vigo

18/11/2025

O Porriño estrenará un gran túnel de 75.000 leds con espectáculo lumínico musical esta Navidad

16/11/2025

E xa dando continuidade á programación doutros anos, tamén o sábado 20 de outubro celebrarase o XVI Concurso de serra de troncos con tronzador de man e un magosto popular con queimada.

O domingo 21 de outubro celebrarase na parroquia de Mos a consolidada Festa do Codillo, que este ano chega a súa 21ª edición e contará con Andrés Giráldez como pregoeiro convidado. Na Festa do Codillo de Mos poderase saborear polo prezo de 10 euros, unha receita de codillo de porco ó forno, composta por dúas partes de codillo con arroz branco e chícharos, acompañado dunha salsa cun toque picante e servido todo nun prato de porcelana con garfo e coitelo metálicos, pano de mesa, pan e vaso de viño ou botellín de auga.

A degustación do Codillo será dende ás 11:00 horas ata fin de existencias (máximo 15:30 horas) do domingo 21 de outubro. Dende o Círculo Cultural e Deportivo Santa Eulalia prevén unha afluencia de asistentes de 5.000 persoas entre as que se repartirán 2.500 kg. de codillo de porco, 500 kg. de arroz, 150 kg. de chícharos, pemento, cebola, allo, etc., 5.000 bolos de pan, e 2.000 botellas de viño.

Este evento chegou o 8 de novembro de 1998 baixo a denominación de “1ª Festa do Codillo”, facéndose realidade unha das ideas máis orixinais e importantes que desenvolvería o Círculo. Actualmente é unha festa consolidada que atrae cada ano a milleiros de persoas, converténdose na máis importante destas características do Concello de Mos e unha das máis destacadas da nosa comarca. Dende o ano 2009 estableceuse como data fixa para a súa celebración o terceiro domingo de outubro. O seu emprazamento dende o ano 2012 é o Contorno peonil do Pazo de Mos, preto do cruce da N.550 (O Porriño – Redondela) coa PO.2601 (a Torroso, Puxeiros) detrás da igrexa parroquial de Sta. Eulalia de Mos.