Este xoves, 5 de decembro, o Nadal chegará a Moaña. O Concello celebrará o acto de acendido do alumeado cun concerto da man da Escola de Música Municipal que arrancará ás 18:00 horas na Praza do Concello. Entre os elementos distintivos destacan as árbores do Palco da Música e da Casa do Concello. Ao longo das festas, o goberno municipal programará ao longo das festas diferentes actividades que estarán especialmente enfocadas para a rapazada.
Entre as novidades, atópase a neve. Xa tan de moda este ano nos diferentes municipios da contorna, chegará tamén a Moaña cunha nevarada que encherá de folerpas o alto da praza o martes, 24 de decembro. Coincidirá coa visita de Papá Noel que recibirá á rapazada entre as 16:30 e as 19:00 horas. Haberá tamén actividades infantís, photocall e xogos. Esa mesma xornada, unha ruada de Noiteboa encherá de música e alegría o centro urbano dende as 18:30 horas.
Un día antes, o parque infantil da praza de abastos -o alto da praza se chove- recibirá á outra persoaxe do Nadal galego, o Apalpador, que chegará dende as montañas do Courel para visitar aos nenos e nenas do municipio. A cita dará comezo ás 17:00 horas.
No ámbito festivo, dúas citas están marcadas en vermello a non perder para os rapaces. O domingo, 29 de decembro, a carpa do adro da Peregrina acollerá unha festa de fin de ano con música e xogos dende as 17:30 horas namentres que o martes, 31, terán lugar as xa tradicionais prebadaladas infantís. Celebraranse entre as 11:00 e as 13:00 horas e contarán con obradoiros e xogos para todos os que se acheguen. Haberá tamén cotillón e en lugar de uvas tomarán boliñas de queixo.
Ao longo do Nadal de Moaña tamén se proxectarán dúas películas, ambas na casa do Concello. A primeira, o luns 30 de decembro, será “Dumbo” e a proxección comezará ás 19:00 horas. Pola súa parte, o xoves 2 de xaneiro será a quenda de “El Grinch” á mesma hora. Ambas serán de balde.
O programa Rechouchíos celebrará tres edicións musicais especiais o sábado 21 e venres 27 de decembro e o veres, 3 de xaneiro na Praza do Concello. Por último, a Cabalgata dos Reis Magos sairá dende o Peirao da Mosqueira o domingo, 5 de xaneiro ás 17:00 horas. Reis Magos, cabalos, patinadoras e globos encherán de maxia a comitiva que finalizará na Praza do Concello.
O deseño do cartaz deste ano, no que unha grande árbore e o Apalpador son os grandes protagonistas, correu a cargo de Judith Chapela.
Una oportunidad terrorífica para despedir el verano en el área de Vigo. ¿Te atreves con esta ruta de miedo con premio para los más valientes?
Hasta 21 negocios de O Porriño ofrecerán descuentos desde el 50% en todo tipo de productos. También habrá hinchables, humor y una pasarela
Vuelve el Teis Fest, que con esta edición cumple ya 18 años. La ETEA se volverá a convertir en epicentro de la fiesta en Vigo
Un evento top en Vigo "para quienes creen en vestir con sentido". Así será este mercado con más de 30 profesionales y particulares
Miles de estudantes iniciaron este luns os seus estudos nos tres campus - En maio a institución elixirá novo reitor ou reitora en substitución de Reigosa
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL