Música de Vivaldi ou Strauss para despedir o ano en Tui

O Concello de Tui celebra este venres, 22 de decembro, o seu Concerto de Nadal no Teatro Municipal. A cita, que arrancará ás 21:00 horas, correrá a cargo da Orquestra Sinfónica de Tui acompañada pola coral da Academia de Música da Fortaleza de Valença.

A Orquestra Sinfónica de Tui, que fixo a súa presentación oficial neste mesmo evento fai agora un ano, está formada por 42 alumnos, exalumnos e profesores do Conservatorio Profesional de Música de Tui e da Academia de Música da Fortaleza de Valença. No concerto participará tamén a Coral de alumnos da Academia de Música da Fortaleza de Valença, integrada pro 32 persoas. Estarán dirixidos por Luís Caballero.

Másnoticias

El mejor cine se disfruta desde este martes en el Play Doc: el evento arranca con Traspielas

07/05/2025

Últimos días para visitar el asombroso universo reducido a maquetas de Tui

07/05/2025

O concerto comezará coa orquesta de corda que interpretará Saint Paul’s Suite de Gustav Holst (I e IV movementos), concerto para dúas guitarras en Sol maior Rv 533 de A. Vivaldi e 3 Fados (Locura,Primavera e Meu Fado) da tradición popular portuguesa.

A continuación a Orquestra Sinfónica interpretará o clásico Danubio Azul de J. Strauss e como remate a Orquestra Sinfónica e o Coro da Academia de Música da Fortaleza de Valença ofrecerán conxuntamente Adeste Fideles de J. F. Wade, Natal de Elvas, Suite de Navidad (Arreglo de  Marcos Valcárcel Gregorio) e Marcha Radetzky de J. Strauss.

As entradas están á venda en www.culturatui.info ata o venres ás 12h ou o venres dende as 19.30h no despacho de billetes ao prezo de 6€ e 4,5€.