O BNG organiza unha Semana da Patria Galega en Vigo como previa ao 25X

O Bloque Nacionalista Galego organiza unha Semana da Patria Galega en Vigo para poñer en valor ‘a forza deste País’, lema da campaña nacionalista deste 2024. A fronte nacionalista presenta unha ampla programación como prólogo do Día da Patria Galega e da manifestación nacional en Santiago de Compostela o 25 de xullo.

“Facemos un chamamento a todas as viguesas e vigueses a participaren das actividades da Semana da Patria, a todas e todos aqueles que queren tamén expresar a forza imparábel do BNG na nosa cidade”, afirmou a responsábel local e deputada no Parlamento galego, Carmela González, destacando os “históricos avances” nos últimos procesos electorais como ser primeira forza política en Vigo nas pasadas galegas.

Másnoticias

Vigo tendrá finalmente chiringuitos en verano y ultima su apertura para finales de julio

28/06/2025

Dos detenidos en un día en Vigo como presuntos autores de un delito de violencia de género

27/06/2025

González avanzou unha "ampla programación" da Semana da Patria Galega, organizada polo BNG e a organización xuvenil Galiza Nova, con actos culturais, palestras, proxeccións, actos lúdicos, accións simbólicas e tamén unha importante presenza de rúa con carpas informativas en diferentes puntos da cidade. “Todo co obxectivo de celebrarmos na maior cidade de Galiza o orgullo de sermos galegas e galegos e de poñer en valor potencialidades que ten o noso País e para afirmar a nosa vocación de facermos de Vigo o verdadeiro motor dunha nova Galiza”, salientou.

A responsábel local das nacionalistas en Vigo asegurou que a Semana da Patria é unha “man tendida” para todas as viguesas e vigueses que acreditan na "necesidade dun cambio de rumbo" para Vigo e Galicia.

Martes, 16

• 20:00h. Presentación do libro AUTOGOBERNO E SISTEMAS DE FINANCIAMENTO. O PAPEL DA NACIÓN GALEGA de Xosé Díaz Díaz. Libraria Cartabón (Urzáiz 125). Presenta: Xabier P. Igrexas.

Mércores, 17

• 12:00h. Carpa de reparto de bandeiras na Praza do Emigrante.

Xoves, 18

• 19:00h. Xornada-debate de Galiza Nova sobre “Problemática nacional e colonialismo”.  CS A Revolta (r/ Real 12).

Venres, 19

• 11:00h. Carpa de reparto de bandeiras diante do Mercado do Calvario.
• 19:30h. Pasarúas-reparto en Baiona. Saída: Praza da Palma.
• 20:00h. Acto público comarcal en Baiona. Paseo da Praia da Ribeira. (á altura da entrada do Parador). Falarán: Iago Pereira, Iria Custodio, Manuel Caride e Lucía López. Convivio ao remate do acto.

Sábado, 20

• 12:30h. Despregue bandeira no alto do Monte Alba.
• 14:00h. Xantar polo Día da Patria. Restaurante Sanatorio do Alba.

Luns, 22

• 20:00h. Acto de Galiza Nova “A figura de Luisa Villalta como nacionalista alén de escritora”. Libraría Cartabón. Falará: Marta Dacosta.

Martes, 23

• 20:00h. Proxección-coloquio documental “Altri: a sede insostible”. Local da Asociación Évame-Oroza (Rúa Subida Costa 5- Casco Vello Alto)

Mércores, 24

• 12:00h. Carpa de reparto de bandeiras diante do MARCO.