O Morrazo acolle once xornadas de tradición, música e cultura galega

Música, baile, traxe tradicional e concienciación medioambiental volverán ser os eixeis fundamentais das Xornadas Etnográficas do Morrazo, que volven celebrarse despois do parón do ano pasado por mor da pandemia. Organizadas pola Asociación Cultural Peis d’hos co apoio da Mancomunidade de Concellos do Morrazo e da Deputación de Pontevedra, a cita eríxese este ano como alicerce fundamental da aposta cultural en tempos, por desgraza, aínda de pandemia.

As xornadas desenvolveranse entre o 1 e o 11 de setembro e incluirán exposicións, charlas, obradoiros, desfiles e, como novidade como “colofón final”, unha foliada final que terá lugar en Cangas. “Defendemos que a cultura é segura e animaremos as persoas veciñas e visitantes para que se acheguen para desfrutar desta cultura segura e accesible a todo o mundo”, expresou na presentación das xornadas a rexedora de Moaña e presidenta da Mancomunidade, Leticia Santos.

Másnoticias

Amancio Ortega visita su particular paraíso de O Morrazo con su yate de ultralujo

06/06/2026

Últimas plazas para disfrutar de dos rutas gratuitas por Monteferro y Praia América en Nigrán

El cadáver momificado hallado en Monteferro, Nigrán, era el de un vecino de Cangas de 43 años

03/06/2026

Presentación das xornadas, este venres en Moaña

A cita dará comezo o 1 de setembro coa apertura da exposición fotográfica “Rituais en Galicia” de Roberto de la Torre e continuará cada xornada con diferentes obradoiros (de olería, castañolas, canto e pandeireta, tarrañolas, bordado ao aire, etc.) que se distribuirán entre os tres concellos da comarca, Bueu, Cangas e Moaña. Segundo explicou Miguel Sotelo, de Peis d'hos, a asistencia aos obradoiros será con inscrición previa, nas charlas e conferencias a entrada será por orden de chegada e a foliada será, probablemente, por orden de chegada aínda que a organización aínda non decidiu se precisarán inscrición previa ou non.

O domingo, 5 de setembro, no ecuador das xornadas, terá lugar o día grande coa Mostra Etnográfica do Morrazo, que se celebrará no Paseo Marítimo de Moaña. Ás 20:30 horas terá lugar o desfile de traxe tradicional galego, a cargo da asociación Sete Espadelas e ás 21:00 horas arrancarán as actuacións das agrupacións tradicionais Donaire, Trébede e A Buxaina. Para esta xornada si será necesario retirar a reserva previa na plataforma Enterticket, que estará dispoñible nos próximos días.