O Nadal de Moaña, tamén en arte efímera

Cunchas de croque, serrín e area son os ingredientes que as alfombristas de San Martiño, da Asociación Moaña Antiqua, transformaron estes días para convertires en adornos de Nadal artísticos e ecosostibles.

O alto da Praza de Moaña é o escenario escollido para que todos aqueles que o desexen poidan acudir a contemplar dous xigantescos cadros feitos sobre o chan que recrean escenas nadalencas. Un xigantesco Papá Noel entrega o seu agasallo a unha rapaza nun espazo artístico de 16 metros cadrados. Ao seu carón, a imaxe gráfica do Nadal de 2019 de Moaña, creada por Judith Chapela, cunha árbore xigante e o Apalpador nun tapiz de catro metros de altura.

Másnoticias

Llega a Cangas el festival gastronómico con las hamburguesas más 'gochas' y estrambóticas

09/09/2025

Cangas prepara ya su gran fiestón histórico para transportar toda la villa a 1617

09/09/2025

Os traballos, nos que participaron sete membros da asociación, entre os que se atopan Dora Collazo, Paula Juncal, Juan José Fernández, José Manuel González e María Soaje prolongaranse durante tres xornadas, dende o xoves ás 16:00 horas e deron coma resultado unhas obras artísticas que se enmarcan nunha nova corrente de Nadal que aposta por decoracións enxebres e respectuosas co medio.

Estas alfombras de Nadal poderanse visitar dende mañá domingo, 22 de decembro, e durante todas as festas cando se programen actos no espazo do Alto da Praza.