O Teatro García Barbón réndese ao fado de María do Ceo

O fado toma esta tarde un emprazamento único como é o Teatro García Barbón. O espazo cultural acolle a partir das 19:00 horas a presentación do novo disco de María do Ceo, “A fadista”. Vigo é a seguinte parada do tour que xa a levou o pasado 1 de marzo en A Coruña. Agora, a súa voz inundará o García Barbón nun recital no que aínda quedan entradas á venda.

O novo traballo de María do Ceo, “A fadista”, volve reunir o fado e a música galega nun espazo emocional no que as texturas sonoras expresan sentimentos compartidos pola melancolía e no que a saudade e a morriña emerxen na súa voz e se mostran en contextos claros e recoñecibles, cunha tensión de afectividade musical que atrae de inmediato. Nos seus directos, María do Ceo mantén o seu estilo sobrio e elegante, en compañía da guitarra portuguesa de Álex Salado e a guitarra española de José Salgado.

Másnoticias

"Estados Unidos de América descubrió Vigo", Caballero saca pecho de la ciudad como destino turístico

08/11/2025

Vigo se convertirá en el epicentro del próximo gran debate de geopolítica y economía

08/11/2025

María do Ceo naceu e creceu artisticamente no fado e a el segue dedicando a súa carreira e a súa vida. En palabras do crítico Nonito Pereira “sente e comunica con entrega e alma, ata o punto de converterse nunha das voces máis respectadas”. Desde o seu primeiro disco, “Cartas de amor”, creceu profesionalmente en centenares de concertos e catorce discos publicados que, engade, “deixaron unha profunda pegada e marcan un itinerario emocional, con múltiples recoñecementos, que desde ambas as beiras do Miño, desembocan neste novo disco”.

As entradas para asistir ao concerto de María do Ceo no Teatro García Barbón teñen un prezo que vai dende os 15 euros na web de Ataquilla. O espectáculo comezará ás 19:00 horas.