Ponteareas celebra este domingo a Festa do Pemento de Guláns

O parque de Avisoureira de Guláns, en Pontereas, acollerá este domingo a celebración da terceira edición da Festa do Pemento de Guláns. Trátase dunha celebración gastronómica que permitirá degustar este típico produto ponteareá. Ademais, este exquisito prato irá acompañado de churrasco e empanada.

Para completar o menú, haberá a típica e coñecida tosta de marmelada de pemento con tetilla, un prato único que fará as delicias dos asistentes.

Másnoticias

Vigo ya saborea "el mejor marisco del mundo" en el retorno de esta emblemática fiesta gastronómica

05/09/2025

Vigo repartirá 3.000 kilos de mejillón en su gran fiesta de Castrelos y estos son los precios

04/09/2025

Esta cita gastronómica, que arrancará ás 11:00 horas do domingo, está organizada pola Asociación de Amigos do Pemento de Guláns, coa colaboración da Asociación cultural de Guláns e o Concello de Ponteareas.

O acompañamento musical correrá a cargo do grupo RONCO & FOL. En caso de choiva estará instalada unha carpa para poder gozar dun día importante para esta parroquia.

A horta de Vigo

Hai que recordar que os veciños de Guláns foron quen surtiron de produtos da horta a toda comarca dende os anos 50, incluso chegando ata o outro lado da ría de Vigo. Tanto é así que o Guláns daqueles tempos era coñecida como a horta de Vigo.

Sen deixar no esquecemento o cultivo tradicional deste produto, contando cos medios actuais, o pemento, que esta recoñecido polo Ministerio de Industria e Agricultura como variedade tradicional, podería “ser a bandeira dalgún proxecto que poña en valor os recursos desta parroquia”, segundo apuntan dende o Concello.

Como chegar?