Primavera teatral en Gondomar: así é o ciclo que se estrea hoxe no Auditorio Lois Tobío

A programación arrincará o vindeiro sábado 27 de marzo e prolongarase ata o 1 de maio cun total seis representacións e cuxas entradas pódense adquirir a través do despacho de billetes electrónico que Gondomar estrea esta temporada (premer aquí) para garantir total seguridade no cumprimento da normativa covid19 e facilitar o acceso ás entradas. Desta maneira facilitarase a adquisición de entradas de forma telemática evitando o uso de papel e empregando un código QR que servirá para acceder ao teatro o día da función. O prezo oscilará entre os 2,5 euros (espectáculos familiares) e os 3,5 euros (teatro para adultos) e poderán retirarse para calquera das seis obras previstas na programación.

O espectáculo familiar ¡Ciencia que alimenta! de Compañía Rota e Descosida dará o pistoletazo inicial á programación teatral de primavera en Gondomar este sábado 27 de marzo ás 18.00 horas da tarde, coincidindo coa celebración do Día Mundial do Teatro. A ela sumaranse “O Mel non caduca” de Iboprufeno Teatro (03 de abril); “Despois das ondas” de ButacaZero (10 de abril); “Italiano Grand Hotel” de Cia La Tal; “Zampalibros" de Sarao Animación (24 de abril); e, “Pyka” de Cinema Sticado (01 de maio).

Másnoticias

Los "autos locos" volvieron a Nigrán en una divertida bajada de carrilanas en Camos

15/08/2025

La reapertura de una discoteca genera polémica en Nigrán: "El derecho al ocio no puede vulnerar otros"

14/08/2025

“Buscouse unha programación pensada para todos os públicos, para familias e para adultos, nun apoio claro que desde un principio tivo este concello co mundo da cultura e todos os seus integrantes ante as consecuencias xeradas pola Covid19 neste sector”, manifesta o alcalde Paco Ferreira, quen subliña que “son miles os empregos que xera anualmente e debemos estar ao seu lado, na medida do posible, porque a cultura é segura”.

¡Ciencia que alimenta! con Carlos Godoy e Cecilia Vázquez sobre o escenario, levantará o pano da programación teatral de primavera en Gondomar o próximo sábado. Sobre as táboas do Auditorio Municipal Lois Tobío os artistas demostrarán ao público que a ciencia non entende de xéneros e que está ao alcance todas e todos.

As entradas xa están á venda (2,5 euros) no despacho de billetes electrónico (premer aquí) leva activo dende o pasado martes e no que tamén se poderán consultar o resto de representacións, os seus horarios e adquirir as entradas se así se quere.