Produtos galegos de proximidade en tempos de Covid para a feira EcoArtesá de Moaña

A fiera ECOartesá de Moaña sobrevive á Covid. A cita de produtos ecolóxicos, artesáns e de agricultura sustentable regresará ao municipio morracense o próximo domingo 2 de agosto, despois de non poderse celebrar no mes de maio debido á pandemia.

A cita ECOartesá chega renovada, baixo a nova organización de Moaña Antiqua e o Concello de Moaña en colaboración tamén coas praceiras moañesas, pero mantendo o seu espírito por potenciar os produtos artesanais e de proximidade, segundo explica a concelleira de Turismo, Coral Ríos.

Másnoticias

Dimite el coordinador de Cultura del PPdeG por la "incompetencia" del conselleiro López Campos

19/11/2024

Moaña despedirá noviembre con una "Feira de Nadal" solidaria con mercadillo, música y comida

17/11/2024

Haberá entre 40 e 50 postos, por baixo do centenar habitual pero aínda unha cita considerable. A necesidade de distanciamento entre cada un deles, de dous metros, obriga este ano a reducir a oferta primando especialmente a calidade e singularidade. Os que asistan, entre as 11:00 e as 21:00 horas atoparán produtos de artesanía, xoiería, antigüidades, mobles, minerais ou roupa tradicional, entre outros, pero tamén de alimentación como queixos, repostería, plantas medicinais, froitos secos ou marmelada.

Tamén haberá espazo para a comida, cun posto de churrasco e unha polbeira, que como novidade ofrecerán os seus produtos para degustar en pequenas “haimas” en grupos familiares e separados do resto de usuarios.

No tocante á normativa Covid, ademais da necesaria separación dos postos, desta vez cada vendedor estará situado creando unha fila única, sen estar enfrontados, para así desenvolver un itinerario de dirección única no paseo marítimo de Moaña que irá dende a Casa do Mar até o final do paseo.

O protocolo do coronavirus tamén modificará os obradoiros para a cativada. De 17:00 a 18:30 horas celebrarase un de reciclaxe infantil e ao longo do día outro de olería. En ambos casos haberá diferentes quendas par que os monitores ensinen aos máis pequenos en grupos dun máximo de oito nenos e nenas.

A rapazada tamén terá este ano cita musical da man de Uxía Lambona e a Banda Molona. O espazo do concerto estará limitado e pechado e será necesario reserva previa. Este pase, gratuíto, poderá obterse a partir do mércores na oficina de turismo de Moaña situada fronte á Casa do Concello.