A música fusión de Galicia e Cuba, este venres en Gondomar

O músico Roi Casal, ex membro de Milladoiro, chega esta fin de semana a Gondomar co seu “Son galego, son cubano”. Trátase dun gran espectáculo musical que mestura as cultura de Galicia e Cuba a través das letras do escritor galego Neiras Vilas, de quen este mes de novembro cumpriranse dous anos do seu pasamento.

Nunha abraiante fusión cultural coa música de Cuba, o espectáculo, que arrancará ás 23:00 no parque da Coelleira de Gondomar, componse dunha selección dos trece temas nos que se recollen os poemas do ilustre escritor galego musicados por Casal.

Másnoticias

No solo Vigo, un rincón de Gondomar es el 'corazón' del anuncio de la Lotería de Navidad

14/11/2024

Alcaldes se quejan de que las inversiones frente a inundaciones son "muy costosas" para los concellos

10/11/2024

A aventura que deu neste proxecto comezou xa no 2014, cando despois de ser premiado na Habana, o compositor “camiñou, conversou, observou e quedou namorado da capital” cubana. Dende ese intre púxose a traballar até que a produción discográfica tomou forma e foi publicada no verán do ano 2016.

Despois dunha intensa xira no pasado ano, o equipo do inesgotable Roi Casal percorre este ano novamente Galicia para dar conta da labor dos galegos na Cuba dos séculos XIX e XX. Con ritmos cubanos, Casal explica como foi a vida de artistas, escritores e obreiros.

A relación Cuba e Galicia que se celebra agora nas vilas do país foi especialmente estreita dende a metade do século XIX e até 1930. Non en van, a actual Real Academia Galega ten a súa orixe na Habana coa creación da Sociedade Protectora da Academia Galega, por iniciativa de Manuel Curros Enríquez e Xosé Fontenla Leal. Unha irmandade dos pobos aos dous lados do Atlántico que agora Casal impulsa entrado o século XXI.

Máis música e máis fusión cultural en Gondomar

A música continuará no concello do Val Miñor o domingo, 6 de agosto, ás 23:00 co grupo PA TI NA MA. Formado por Fran Vazquez, Tito Castro e Hugo Chamizo xurdiu co obxectivo de ofrecer unha unión entre a musicalidade galega e a andaluza. No parque da Coelleira interpretarán temas de pop, rock e rumba de fusión cultural entre ambas comunidades.