Sabela Ramil toma Pontevedra: firma de discos en Vigo e concerto no Culturgal

O camiño de Sabela cara OT comezou en Vigo e na cidade olívica tamén dará os primeiros pasos do seu novo disco, “Despedida”. A galega, finalista da última edición do “talent show”, chega este sábado á urbe galega para firmar este traballo que saíu á venta o venres 29 de novembro. A cantante das Pontes estará a partir das 12:00 horas no Andar 0 do Centro Comercial Gran Vía, concretamente na entrada principal.

Todas e todos os fans que acudan a este encontro con Sabela terán que presentar un ticket de compra do Carrefour do Gran Vía de Vigo e solo permitirase o acceso a unha persoa por disco. A aforo desta firma de discos será limitado. A cantante e finalista de Operación Triunfo anunciou a todos os seus seguidores nas redes sociais que o seu primeiro disco, “Despedida”, está á venta dende o venres 29 de novembro. Este álbum foi composto pola propia artista xunto ao portugués Diogo Piçarra, moi coñecido no seu país pola súa participación no talent “Pop Idol 2012”.

Másnoticias

Vigo reabre desde este martes su principal acceso a la AP-9 desde el centro de la ciudad

15/09/2025

Denuncian que el parque canino del Concello de Vigo en Barreiro es "una cárcel" para los perros

15/09/2025

Despois da firma en Vigo, Sabela Ramil porá rumbo a Pontevedra para protagonizar un dos eventos máis esperados desta edición do Culturgal. A galega subírase ao escenario xunto a Marful para protagonizar o “espectáculo especial” desta cita na que podemos contemplar e asistir ás grandes novidades que deparará a cultura galega en 2020. O recital da cantante de As Pontes coa banda que integran Marcos Teira, Pedro Pascual, Pablo Pascual e Uxia Pedreira terá lugar ás 21:30 horas. As entradas teñen un pezo de 8 euros e pódense mercar na web de Ataquilla. Ás 17:00 horas deste venres, apenas quedaban xa localidades para asistir a un dos grandes momentos que deparará o Culturgal 2019.