Salceda inicia a conta atrás do Entroido co concurso de Carrozas e Comparsas

O Concello de Salceda de Caselas, a través da Concellería e Festas que dirixe Teresa Pérez, vén de abrir o prazo de inscrición para a participación no XXI Desfile de Carrozas e Comparsas que se celebrará no municipio o domingo 3 de marzo de 2019.

Durante esta semana serán as agrupacións pertencentes a Salceda as que poidan formalizar a súa solicitude de participación no desfile, e na semana do 18 ao 24 será a quenda para as agrupacións de outros municipios, que poderán ocupar as prazas restantes por orde de solicitude.

Másnoticias

La diversión se desata en Salceda con el ya clásico Festival de Charangas, que vuelve con estas novedades

04/09/2025

La Xunta destaca las iniciativas de empleo impulsadas con el Concello de O Porriño

03/09/2025

As agrupacións deberán estar formadas por un mínimo de 15 compoñentes e poderán presentarse con ou sen carroza, establecéndose diferentes categorías en ámbolos dous casos.

Ademais, o desfile completarase co concurso de coplas no que participan tódalas agrupacións. Todas as comparsas admitidas recibirán unha compensación económica pola súa participación, que varía entre os 100 e os 700 € en función do número de compoñentes.

Xunto a dotación económica, establécese un xamón como premio para diversas categorías: a mellor música en directo, a mellor coreografía, a comparsa máis festeira, a comparsa con maior número de compoñentes, o tema máis orixinal, o mellor vestiario, o mellor maquillaxe, a carroza máis traballada, a carroza máis orixinal, o mellor traballo en conxunto, as coplas máis divertida, as coplas mellor recitadas e o participante de maior idade.

Toda a información e as bases do concurso poden consultarse a través da páxina web municipal, así como nas redes sociais do Concello de Salceda. En Salceda o Entroido é unha das súas festas máis grandes, para o que se prepara xa unha ampla programación que será presentada ao completo dentro duns días.

A programación municipal completará o xa tradicional enfrontamento entre Castro Barreiro e A Feira, que hai xa máis de 125 anos se ven celebrando, e para o que os barrios levan xa tempo traballando arreo no máis estrito segredo. Unha tradición que, nas verbas da concelleira de Cultura, Teresa Pérez, é xa “referencia na festa do Entroido para a que agardamos a visita de milleiros de persoas”.