O Concello de Salceda de Caselas vén de publicar as bases para a participación no XX Desfile de Carrozas e Comparsas que se celebrará no municipio o domingo 11 de febreiro de 2018. En Salceda o Entroido é unha das súas festas máis grandes, para o que se prepara xa unha ampla programación.

Durante a semana do 22 ao 26 de xaneiro serán as agrupacións pertencentes a Salceda as que poidan formalizar a súa solicitude de participación no desfile, e na semana do 29 de xaneiro ao 02 de febreiro será a quenda para as agrupacións de outros municipios, que poderán ocupar as prazas restantes por orde de solicitude.

Másnoticias

Un gran encuentro de "viño colleiteiro" animará Soutomaior el fin de semana con zona gastro y conciertos

Vino, merienda y música en una ruta por cinco bodegas en Salceda de Caselas

18/11/2025

Los furanchos retoman la actividad y continúan con su reapertura progresiva

Fin de semana de furanchos en el área de Vigo con esta gran fiesta en Salceda

06/11/2025

As agrupacións deberán estar formadas por un mínimo de 15 compoñentes, e poderán presentarse con ou sen carroza, establecéndose diferentes categorías en ámbolos dous casos. Ademais, o desfile completarase co concurso de coplas no que participan tódalas agrupacións. Todas as comparsas admitidas recibirán unha compensación económica pola súa participación, que varía entre os 100 e os 700 € en función do número de compoñentes.

A programación municipal completará o xa tradicional enfrontamento entre Castro Barreiro e A Feira, que hai xa máis de 125 anos se ven celebrando, e para o que os barrios levan xa tempo traballando arreo no maior segredismo.