O sector do cinema pontevedrés debate sobre o seu futuro no Porriño

O sector do audiovisual galego darase cita este domingo no Porriño para avaliar a situación do cinema galego e o seu futuro. A cita, englobada dentro do programa “Cans todo o ano” do Rebobina cineclub da Sala Ingrávida, arrancará ás 19:00 horas e a entrada é totalmente de balde.

Na mesa redonda participarán os responsables dalgúns dos principais festivais de cinema da provincia, nomeadamente, Ángel Santos, do Novos Cinemas de Pontevedra, Fernando Carreira, de Redondela en Curto, Juan de Castro, do Primavera de Cine de Vigo, e Alfonso Pato, do Festival de Cans.

Másnoticias

O Porriño estrenará un enorme photocall de 8 metros para declarar el orgullo porriñés

15/11/2025

Llega la Festa da Zorza de Figueiró, en Tomiño, con "comida a esgalla" y vino gratis

Pinchos, Festa da Zorza, magosto y cine gratis, O Porriño propone una explosión de ocio este finde

14/11/2025

Durante a cita falarase do cinema galego, das políticas culturais para o sector ou do conflito entre calidade e comercialización. Así mesmo, neste debate tamén se buscarán respostas a “que procura un festival de cinema?” e “cara onde camiña o sector?”.

Cando se celebra o Festival de Cans 2018?

O Festival de Cans, organizado pola Asociación Cultural Arela baixo a dirección de Alfonso Pato, celebra este ano a súa décima quinta edición. Será do mércores 23 ao sábado 26 de maio e, por vez primeira na historia, non coincidirá co Cannes francés. Así, agroglamour e glamour de alfombra vermella non competirán en datas.

O Festival de Cans viviu en 2017 a súa edición máis exitosas con até 13.000 persoas pasando polos diferentes puntos do recinto, esgotando todas as entradas dispoñibles.