“Sabendo Miradas”, “O Primeiro Baile”, “Sentirte, Amarte” ou “Papá Pum Pum” son algúns dos doce temas de “FA” o último traballo discográfico que Susana Seivane presentaba en setembro do ano pasado, e que interpretará en Tui no concerto que ofrecerá este sábado 6 de xullo a partir das 22.30 horas na rúa Compostela. Trátase dun disco intimista, romántico e tenro inspirado nos sentimentos da súa maternidade. O seu título “FA” son precisamente as iniciais dos nomes dos seus fillos Fiz e Antón.
Susana Seivane construíu a través deste temas unha paisaxe sonora na que están presentes as súas raíces con novos matices froito da súa madurez como compositora e instrumentista. No concerto xunto a Susana Seivane estarán sobre o escenario Miguel González, saxo; Rubén Deschamps, guitarra e mandolina; Carlos Freire, batería e percusión tradicional e Iago Rodríguez, baixo eléctrico. Amais dos temas de “FA” repasarán tamén outros da súa longa carreira musical, todo nun espectáculo fresco e orixinal.
Este concerto de Susana Seivane chega a Tui dentro do programa “Musigal Son Tradición” da Deputación de Pontevedra.
Susana Seivane naceu no seo dunha das familias con máis prestixio e sona no mundo dos gaiteiros e artesáns de gaitas en Galicia. Con 3 anos da man do seu pai iniciou a súa andaina musical, na que influíron mestres coma o seu avó, Xosé Manuel Seivane, Ricardo Portela e Moxenas. Ao longo dos anos desenvolveu un estilo xenuíno e propio, aberto ao legado e influencias doutras músicas.
Debido á celebración deste concerto de Susana Seivane haberá restrición no tráfico na rúa Compostela. Así o tramo desta rúa comprendido entre a rúa Ourense e Mondoñedo estará pechado ao tráfico e ao estacionamento dende mañá sábado ás 8 h até o domingo ás 8 h. Amais dende as 18 h pecharse tamén o tramo da rúa entre cruzamento entre Mondoñedo e Betanzos.
Nigrán presenta una nueva sesión de cine gratis con una apuesta por el 'western'. Siguen dando vida a los icónicos cines de A Ramallosa
El Concello de Tomiño abre la inscripción para la segunda edición de la Carrera San Silvestre. Estos son los detalles de la jornada
Redondela desplegará un sinfín de actividades por Navidad. Acaba de presentar su programa y esto es todo lo que ofrecerá
Tui acaba de presentar el programa del VIII Centenario de la Consagración de la Catedral de Santa María. Un sinfín de actividades para Galicia
El acuerdo llega después de que el Celta amenazara las titulaciones públicas avanzando un acuerdo con una universidad privada vasca
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL