A obra de teatro 'Nacidas libres' recala este sábado en Bueu

O Concello de Bueu “continúa a apostar polo teatro profesional para toda a cidadanía a prezos asequibles”, así presenta Xosé Leal, concelleiro de cultura de Bueu, a obra de teatro 'Nacidas Libres', que se poderá ver este sábado, 20 de xaneiro, ás 21.00 horas no Centro Social do Mar. Cun custe de tres euros por sesión, 'Nacidas libres', da compañía Contraproducións, é unha proposta que se insire nas representacións teatrais organizadas dende o Concello un sábado ao mes.

Esta obra, escrita por Cándido Pazó e dirixida por Cristina Domínguez, narra a historia de catro actrices que atravesan esas idades nas que corren o risco de desaparecer do mundo do espectáculo e que deciden montar a súa propia peza. Como non atopan argumentos, deciden encomendarlle a tarefa a unha escritora moza que parte dunha noticia aparecida nos xornais arredor da retención de tres mozas indias retidas contra a súa vontade nun convento de clausura en Santiago. Con esa inspiración van argallando un espectáculo en múltiples planos no que, con rigor e obxectividade, pero con frescura, dinamismo, emoción e pinceladas de humor, entran no entramado argumental do caso, pero tamén en múltiples reflexións e referencias a diversos temas vistos desde a perspectiva de xénero: a desigualdade, a ilusión da liberdade, os condicionantes da muller nas distintas culturas, a emigración…

Másnoticias

Bueu compite por convertirse en la capital mundial del pulpo con su propia fiesta gastronómica

06/05/2025

Rescatan a una mujer tras volcar con su coche en Moaña

05/05/2025

As catro actrices que interpretan a máis dunha ducia de personaxes son Casilda Alfaro, Mónica Camaño, Rocío González e Susana Dans, quen xa estiveran antes do verán na vila bueuesa para dar voz a “As do peixe”, una obra tamén con moito trasfondo feminino.

"Sábados de teatro" en Bueu

A obra insírese no proxecto Sábados de teatro, posto en marcha polo Concello de Bueu tendo como obxectivo achegar a cultura ás nosas vidas. O pasado ano puidéronse ver as obras O que hai que ver, de Fulano Mengano e Citano, As do peixe da compañía Contra producións e Que é o que precisas?, de Expresión Produccións, amais de O esperpéntico caso do obreiro do futuro de Lautana Teatro.

De cara a este ano, Xosé Leal avanzou que se está estudando a ampliación do proxecto para levar teatro afeccionado ás parroquias e diversos lugares do municipio.